චිත්‍රපටිය ගැන කියනව නම් Kim Han-gyul අධ්‍යක්ෂණය කරල තියෙන මේ නිර්මාණය නිෂ්පාදනයට දායක වෙලා තියෙන්නෙ Kim Myung-jin සහ Kim Jae-joong. ඒ වගේම 2012 දි තිරගත වුන Mårten Klingberg අධ්‍යක්ෂණය කරපු ස්වීඩ්න් චිත්‍රපටියක් වෙන Cockpit පාදක කරගෙන මේ චිත්‍රපටියෙ තිරරචනය කරල තියෙන්නෙ Jo Yoo-jin.

2024 ජුලි 31 නිකුත් වුන මේ චිත්‍රපටිය 2024 අගෝස්තු 3 වෙද්දි, ඩොලර් මිලියන 5.7ක් උපයා ගත්තා වගේම ටිකට්පත් 896,607ක් අලෙවි වුනා. ඒක නිකුත් වෙලා 4 වෙනි දවසට ඇතුළත් කිරීම් මිලියන 1 පහු කලේ ගිම්හානයේ නිකුත් වුන චිත්‍රපටි අතර කෙටිම කාලය සටහන් කරමින්.

Lee Ju-myoung, Han Sun-hwa, Shin Seung-ho රංගනයෙන් දායක වෙන විනාඩි 111ක් දිවෙන මේ චිත්‍රපටිය පුරා ඔයාලට පුලුවන් ප්‍රධාන චරිතය විදිහට Cho Jung-Seok ගෙ දක්ෂ රංගනයක් බලාගන්න.

කතාව ගැන කියනව නම්…හන් ජන්ග් වූ කියන්නෙ ගොඩක් ප්‍රසිද්ධ වගේම දක්ෂ ගුවන් නියමුවෙක්..ඒත් වෙනත් කෙනෙක්ගෙ වැරැද්දක් නිසා එයාට තමන්ගෙ රැකියාව නම විතරක් නෙවෙයි තමන්ගෙ නෝනා වගේම දරුවගෙ අහිතියත් නැති වෙනවා..

ප්‍රසිද්ධ කාලෙ මෙයා ලඟ හිටපු හැමෝම අහක බලද්දි ජීවත් වෙන්න වගේම ඉස්සරහට යන්න වුවමනා නිසා ආයෙමත් ගුවන් නියමුවෙක් වෙන්න හැදුවත් හන් ජන්ග් වූ කියන නම අසාදුලේඛනගත වෙලා නිසා එයාට සිද්ද වෙනවා ජන්ග් මි කියන එයාගෙ සහෝදරීගෙ නමින් ගුවන් නියමුවරියක් වෙන්න…

ඉතිං ජන්ග් වූට රස්සාව ගන්න පුලුවන් වෙයිද…එයාගෙ ජීවිතේ කොහොම වෙයිද…කතාව බලලම දැනගන්නකො..