හිතන්න, එකපාරටම අපේ පෘථිවියේ හදවත වගේ තියෙන, ඒ ගැහෙන හරය කැරකෙන එක නැවතුනොත් මොනවා වෙයිද? 😱 මුළු ලෝකෙම එකම මහා විනාශයකට ලක්වෙන්න පටන් ගන්නවා. පෘථිවියේ චුම්භක ක්ෂේත්‍රය බිඳ වැටෙනවා, මිනිස්සු පේස්මේකර් හෘද උපාංග නිසා මැරෙන්න ගන්නවා, කුරුල්ලෝ අහසේදී දිශාව හොයාගන්න බැරුව ගල් ගැහිලා වගේ බිම වැටෙනවා, රෝමයේ කොලෝසියම වගේ ඓතිහාසික ස්ථාන අකුණු සැර වලින් සුනුවිසුනු වෙලා යනවා. 🌩🌍 ලෝකය පුරාම සත්තු අමුතු විදියට හැසිරෙන්න ගන්නවා, බිහිසුණු කුණාටු ඇතිවෙනවා.

මේ මහා විනාශයෙන් ලෝකය බේරගන්න, මනුෂ්‍ය වර්ගයාගේ අවසාන බලාපොරොත්තුව බවට පත්වෙන්නේ නිර්භීත විද්‍යාඥ ආචාර්ය ජොෂ් කීස් ඇතුළු ඔහුගේ පස් දෙනෙකුගෙන් යුත් විශේෂඥ කණ්ඩායමක්. ඔවුන්ගේ මෙහෙයුම? මීට කලින් කවුරුත් හිතලාවත් නැති, භයානක, අභියෝගාත්මක ගමනක්. ඒ තමයි, පෘථිවියේ අභ්‍යන්තරයටම කිඳා බැහැලා, න්‍යෂ්ටික පිපිරීමක් මගින් මේ නැවතුනු හරය නැවත පණ ගන්වන එක! 💣🚀 මේ මාරක ගමනේදී ඔවුන්ට මොන වගේ අභියෝග වලට මුහුණ දෙන්න වෙයිද? ඔවුන්ට මේ උත්සාහය සාර්ථක කරගන්න පුළුවන් වෙයිද? නැත්නම් මනුෂ්‍ය සංහතියේ අවසානය මෙතැනින් සනිටුහන් වෙයිද? බලන්නකොටම තමයි තේරෙන්නේ!

• English