උණු උණුවෙම අරන් ආව මේ සබ් එක 2025 වසරේ වැඩිම බලාපොරොත්තුවක් තියාගෙන හිටපු චිත්‍රපටයක් වෙන “The Running Man” චිත්‍රපටයේ.. Action, Sci-Fi සහ Thriller කියන කැටගරි වලට අයත් මේ චිත්‍රපටය සුප්‍රකට ලේඛක Stephen King (රිචඩ් බක්මන් නමින්) රචනා කළ ජනප්‍රිය නවකතාවක් ඇසුරින් තමයි නිර්මාණය වෙලා තියෙන්නේ.. මීට කලින් 1987 දී Arnold Schwarzenegger රඟපෑ චිත්‍රපටය බලලා තියෙන අයට නම් මේ නම අලුත් දෙයක් නෙවෙයි.. හැබැයි මේ අලුත් නිර්මාණය පරණ ෆිල්ම් එකට වඩා හාත්පසින්ම වෙනස්, පොතේ තියෙන ඔරිජිනල් කතාවට ගොඩක් සමීප නිර්මාණයක් විදිහට තමයි එළියට එන්නේ.. “Baby Driver”, “Last Night in Soho” වගේ අතිවිශිෂ්ට චිත්‍රපට අධ්‍යක්ෂණය කරපු Edgar Wright අතින් තමයි මේ වැඩේ කෙරිලා තියෙන්නේ.. ඒ වගේම මේ දවස්වල හොලිවුඩයේ නැතුවම බැරි තරුවක් බවට පත්වෙලා ඉන්න Glen Powell තමයි මෙහි ප්‍රධාන චරිතයට පණ පොවන්නේ.. මීට අමතරව Josh Brolin සහ Katy O’Brian වැනි දක්ෂ රංගන ශිල්පීන් රැසක් මේ සඳහා දායක වෙනවා.. බොක්ස් ඔෆිස් වාර්තා අලුත් කරන්න බලාගෙන ආපු මේ චිත්‍රපටයට දැනටමත් ඉහළ IMDb සහ Rotten Tomatoes ප්‍රතිචාර ලැබෙමින් පවතිනවා..

“බෙන් රිචඩ්ස්” කියන්නේ අන්ත අසරණ වෙලා ඉන්න මනුස්සයෙක්.. එයා ජීවත් වෙන්නේ 2025 වසරේ (චිත්‍රපටයේ කතාවට අනුව) ඇමරිකාවේ.. මේ කාලේ වෙද්දී ලෝකයම ආර්ථික වශයෙන් කඩාවැටිලා, ආණ්ඩුව මගින් දැඩි පාලනයක් ගෙනියන යුගයක්.. බෙන් රිචඩ්ස්ගේ දුවට අසනීප වෙලා බෙහෙත් ගන්නවත් සල්ලි නැති තැන තමයි එයා භයානක තීරණයක් ගන්නේ.. ඒ තමයි “The Games Network” එකෙන් පවත්වන රියැලිටි වැඩසටහනකට සහභාගී වෙන එක.. හැබැයි මේක අපි දන්න සාමාන්‍ය රියැලිටි ෂෝ එකක් නෙවෙයි.. මේකේ නම “The Running Man”.. කරන්න තියෙන්නේ සරල දෙයයි.. පණ බේරගෙන දුවන එක.. මුළු රටේම ඉන්න දඩයක්කාරයෝ, පොලිසිය වගේම සාමාන්‍ය මිනිස්සුත් බෙන් රිචඩ්ස්ව මරන්න පන්නනවා.. එයා ජීවත් වෙන හැම පැයකටම එයාට සල්ලි හම්බෙනවා.. දවස් 30ක් පණ බේරගත්තොත් ඩොලර් බිලියනයක තෑග්ගක් ලැබෙනවා..

බෙන් රිචඩ්ස් කියන්නේ වීරයෙක් නෙවෙයි, තමන්ගේ පවුල වෙනුවෙන් ඕනම දෙයක් කරන සාමාන්‍ය මනුස්සයෙක්.. එයාට මේ මාරක තරගෙන් දිනන්න පුළුවන් වෙයිද? මුළු රටක්ම රූපවාහිනිය ඉස්සරහට වෙලා බලාගෙන ඉන්නේ බෙන් රිචඩ්ස් මැරෙනකම්.. මේ දුවන දිවිල්ල ඇතුලේ හැංගිලා තියෙන දේශපාලන කුමන්ත්‍රණ, මිනිස්සුන්ගේ විකෘති ආශාවන් සහ මාධ්‍යයේ බලපෑම ගැන හරි අපූරුවට මේ චිත්‍රපටියෙන් පෙන්නලා දෙනවා.. පරණ චිත්‍රපටිය වගේ නෙවෙයි, මේක ඇඟ හිරිවැටෙන ත්‍රාසජනක අත්දැකීමක්.. Edgar Wright ගේ සුපුරුදු වේගවත් කැමරා කෝණ සහ සංස්කරණ ශිල්ප ක්‍රම නිසා චිත්‍රපටිය පටන් ගත්ත වෙලාවේ ඉඳන් ඉවර වෙනකම් ඇස් පිල්ලමක් ගහන්නවත් වෙලාවක් නැති වෙයි..