අද අරගෙන ආවේ ටිකක් වෙනස්, ඒ වගේම අපේ රටේ වාසනාවට අපිට අත්විඳින්න නොලැබුනත්, ලෝකයේ බලවතා වන ඇමරිකාවේ පාසල් දරුවන් විඳින දරුණු යථාර්ථයක් ගැන කියවෙන වාර්තාමය චිත්‍රපටයක්. 📽️
​අපි පාසල් යන්නේ පොත පතේ දැනුම හොයාගෙනනේ. ඒත් හිතන්න, පාඩම් කරන අතරේ වෙඩි තියන කෙනෙක් පන්තියට කඩා පැන්නොත් හැංගෙන්නේ කොහොමද, මැරෙන්නේ නැතුව බේරෙන්නේ කොහොමද කියලා ඉස්කෝලෙදිම පුහුණු වෙන්න වුනොත්? 😱 ඇමරිකාවේ පාසල් දරුවන්ට මේක දැන් “සාමාන්‍ය” දෙයක් වෙලා.
​මේ චිත්‍රපටියෙන් කතා කරන්නේ ඒ ගැන විතරක්ම නෙමෙයි. දරුවන්ගේ මේ බය විකුණගෙන කන මහා පරිමාණ ව්‍යාපාර ගැනත් මෙහි හෙළිදරව් කරනවා. 💰 උණ්ඩ නොවදින බෑග්, ඩෙස්ක්, ආරක්ෂිත කාමර විකුණන සමාගම් සහ තුවක්කු පාලනය වෙනුවට “යාඥා කිරීම” පමණක් ප්‍රමාණවත් යැයි කියන දේශපාලන පසුබිම ගැන හිතන්න ගොඩක් දේවල් මේකේ තියෙනවා.
​පාසලක් ඇතුලේ වෙඩි තැබීමක් වුනොත් ගුරුවරුන් සහ දරුවන් ඊට මුහුණ දෙන්න කරන “Drills” (පුහුණුවීම්) කොච්චර තාත්විකද සහ එයින් දරුවන්ගේ මනසට වෙන හානිය මොකක්ද කියලා මේක බැලුවම ඔයාලටම තේරෙයි. 💔🧠
​විනාඩි කිහිපයක ත්‍රාසය පස්සේ දුවන චිත්‍රපටියකට වඩා, ලෝකයේ යථාර්ථය දකින්න කැමති ඔයාලා වෙනුවෙන්ම සිංහල උපසිරැසි නිර්මාණය කළා. මග නොහැර අනිවාර්යයෙන්ම බලන්න!