Search: The Naina Murder Case (2025) කියන්නේ ඇත්තටම වුණු මිනීමැරුමක් නෙවෙයි. මේක 2025 ඔක්තෝබර් මාසයේ JioHotstar එකෙන් ආපු, ගොඩක් අය ආසාවෙන් බලපු ඉන්දියානු ක්‍රයිම් කතා මාලාවක්. මේක නිර්මාණය කළේ රොහාන් සිප්පි කියන අධ්‍යක්ෂකවරයා. එයා මේ කතාව හදලා තියෙන්නේ ලෝකප්‍රකට “The Killing” කියන පිටරට කතාව ඇසුරින්.

කතාව පටන්ගන්නේ නයිනා කියන 19 හැවිරිදි කෙල්ලගේ අතුරුදහන් වීමත් එක්ක. පස්සේ එයාගේ මිනිය හම්බවෙන්නේ වතුරේ ගිලිලා තිබ්බ කාර් එකක ඩික්කිය ඇතුළෙන්. පුදුමේ කියන්නේ ඒ කාර් එක අයිති වෙන්නේ ඉස්සරහට එන ඡන්දයට ඉල්ලන තරුණ දේශපාලනඥයෙක්ට. ඒ නිසා මේ මිනීමැරුම මුළු නගරයේම ලොකු දේශපාලන කලබලයක් ඇති කරනවා. මේ මිනීමරුවා කවුද කියලා හොයන්න භාරවෙන්නේ සංයුක්තා කියන දක්ෂ පොලිස් නිලධාරිනියට. එයා වෙන නගරයකට මාරුවෙලා යන්න ලෑස්ති වෙලා ඉද්දිම තමයි මේ නඩුව ලැබෙන්නේ. ඒ නිසා එයාගේ පෞද්ගලික ජීවිතයටත් මේකෙන් ලොකු බලපෑමක් වෙනවා.

මේ කතාවේ සංයුක්තාගේ චරිතයට රඟපාන්නේ කොන්කොනා සෙන් ශර්මා කියන ජනප්‍රිය නිළිය. පළමු කොටසට කථාංග 6ක් අයිති වෙනවා. මේ කතාවේ තියෙන විශේෂම දේ තමයි, එක එක කොටසින් පෙන්වන්නේ පරීක්ෂණයේ එක එක දවස. දේශපාලන බලපෑම්, පවුල්වල තියෙන අභ්‍යන්තර රහස් සහ සැකය එක එක්කෙනා පිටට වැටෙන විදිහ නිසා, කතාව ඉවර වෙන්නේ කොහොමද නැත්නම් මිනීමරුවා කවුද කියලා අන්තිම වෙනකම්ම එකපාරටම හිතාගන්න බැරි තරම් කුතුහලයක් තියෙනවා.

Season 01 සඳහා සිංහල උපසිරැසි ගැන්වීම CineMX.lk උපසිරැසි අංශයේ CineMX කණ්ඩාය​ම විසින්.