තමිල්නාඩු කේරල ප්‍රාන්ත සිමාවේ පිහිටලා තියෙන වේලම්පාලයම් කියන ගම පාලනය කරන්නේ ප්‍රබල මැරයින් තුන්දෙනෙක්. තරුණ ක්‍රීඩකයින් හතර දෙනෙක් මේ දේවල් වලට ඉක්මනින්ම හසුවෙලා අවසානයේ තමන්ගේ ජීවිතයත්, ආදරය කරන අයත්, එයාලගේ මිතුදම සහ විශ්වාසය අනතුරේ හෙළනවා.

මේ අස්සට එනවා තව කෙනෙක්. එතනින් තමයි මේ සෙල්ලම උඩ යටිකුරු වෙන්නේ..

මෙතනින් එහාට මොකක්ද? ඔයාලම බලන්නකෝ..

ෂේන් නිගම් කියන්නේ මලයාලි නළුවෙක්. ඔයාලා කුම්බලාංගි නයිට්ස්, RDX: රොබර්ට් ඩොනි සේවියර්, මද්‍රස්කාරන්, ලිටිල් හාර්ට්ස් වගේ ඒවා බැලුවා නම් ඔයාලට එයාගේ රංගන හැකියාව තේරුම් ගන්න පුළුවන්. මෙයාගේ මීලග ලයින් අප් එක ගැන කිව්වොත් Haal, Bermuda, Aayirathonnam Ravu කියන චිත්‍රපටි.

මේ චිත්‍රපටයේ නම ‘Balti’. 2025 සැප්තැම්බර් 26 වෙනිදා නිකුත් කරපු මේ චිත්‍රපටය අධ්‍යක්ෂණය කලේ උන්නී සිවාලිංගම් විසින්. ලිව්වේ අධ්‍යක්ෂක තුමාමයි. නිෂ්පාදනය සන්තෝෂ් ටි කුරුවිලා සහ බිනු ජෝර්ජ් ඇලෙක්සැන්ඩර්ගෙන්. සංගීත අධ්‍යක්ෂණය ‘කට්චි සේරා, ආස කූඩෙයි’ ගීතයෙන් ප්‍රසිද්ධියට පත් වුනු සායි අභ්‍යන්කර් ගෙන්. මේ එයාගේ පළමු මලයාලම් චිත්‍රපටි සංගීත අධ්‍යක්ෂණය. තිර කාලය විනාඩි 151ක්. (පැය 2යි විනාඩි 31ක්) මේක ද්වි භාෂා චිත්‍රපටයක් වෙනවා. (මලයාලම් – දෙමළ)

මේක තමිල්නාඩු කේරල ප්‍රාන්ත සිමාවේ තියෙන ගමක් නේ පාදක වෙන්නේ. ඒ හින්දා මලයාලම් දෙබස් වලට අමතරව දෙමල දෙබසුත් තිබ්බා. විශේෂයෙන් සෙල්වරාඝවන්ගේ දෙබස් වල දෙමළ බසට හුරු ගතියක් තිබ්බා. අනිත් එක මේක හරියට ජිතු ජෝශප්ගේ මිරාජ් ෆිල්ම් එක වගේ. (මිරාජ් ෆිල්ම් එකේ රූගත කිරීම් ගොඩක් තිබ්බේ කොයම්බතුර් වල.)

රංගනයෙන් ෂේන් නිගම්ට අමතරව ශාන්තනු භාග්‍යරාජ්, ප්‍රීති අස්රනි, විලන් චරිතයට අල්පොන්ස් පුත්‍රෙන්, දෙමළ නළු සෙල්වරාඝවන්, පූර්ණිමා ඉන්ද්‍රජිත්, සිවා හරිහරන් වගේ රංගන ශිල්පින් රැසක් රංගනයෙන් දායක වෙනවා.