ගොඩක් කට්ටිය මග බලාගෙන හිටපු චිත්‍රපටයක් තමයි මේ අරගෙන එන්නෙ. ඇත්තම කියනවා නම් ගොඩක් පරක්කු උනා. ඔන්න කොහොමහරි ඉවරයක් කරගත්තා. චිත්‍රපටයට මේ වනවිට IMDb අගය 6.2 ක් ද කුණු තක්කාලි අගය 78% අරගැනීමට සමත් වෙලා තියෙනවා. Drama l Thriller l Sci-Fi l Fantasy කාණ්ඩ වලට අයත් වෙන මෙය පැයයි විනාඩි 38 ක් පුරාවටම රස විඳින්න පුළුවන් වෙනවා. ඒවගේම තමයි රංගනයෙන් Cw නාලිකාවේ විකාශනය වෙන Arrow කතාමාලාවේ ඔලිවර්ටගෙ චරිතයට පණ පොවනා Stephen Amell l Robbie Amell l Sung Kang l Aaron Abrams l Greg Bryk දායක වෙනවා. එහෙනම් අපි කතාව පැත්තට හැරෙමුකො.

මේ හැමදේම පටන්ගන්නෙ එක්තරා බලයක් තියෙන මිනිස්සු එක්ක. මොවුන්ට මේ බලය කොහොම ලැබුණාද කියලා කවුරුත්ම දන්නෙ නැහැ. ඒක උපතේදීම ඇතිවෙන දෙයක්. කොහොමහරි හැමෝම එහෙම නැහැ. එක්තරා කට්ටියකට විතරයි මෙය තියෙන්නෙ. ඉතින් මිනිස්සු කාලයක් මෙයාලට ආදරේ කරනවා. වීරයෝ ලෙස හැඳින්වුවා. හැබැයි ඒ හැමදේම වෙනස් වෙනවා. යන්ත්‍ර සුත්‍ර එනවත් එක්කම මෙයාලගෙ කිසි වැඩක් උනේ නැහැ. එයාලට පැත්තකට කරල දානවා. හැබැයි ගොඩක් මිනිස්සු මෙයාලට බයයි. ඒ නිසා එයත් එක හේතුවක් තියෙනවා. ඉතින් කාලයත් එක්ක මේ බලය ඇති මිනිස්සුන්ගෙ කශේරුකා තරලයෙන් මත්ද්‍රව්‍යක් හදනවා. ඒකට කියන්නෙ ”පිසයික්” කියලා. හුගක් ඇබ්බැහිවෙන සුළු මත්ද්‍රව්‍යක්. ඉතින් ගොඩක් බලය තියෙන කට්ටියට රස්සා නැතිවීම නිසා මෙවැනි දේවල් වලට හුරුවෙනවා. කෝනර්ත් තමන්ගෙ අම්මාව සනීප කරන්න කියලා දහඅතේ රස්සාවක් හොයන කෙනෙක්. හැබැයි කිසිම තැනකින් එයාට රස්සාවක් ලබාදෙන්නෙ නැහැ. මොකද ඔහුට බලයක් තියෙන නිසාවෙන්. ඉතින් මෙයාට දවසක් රස්සාවක් සෙට් වෙනවා. හැබැයි ඔහු හිතන ආකාරයේ එකක් නෙමේ. මංකොල්ලකෑමක්. ඒ වැඩෙන් පස්සෙ මෙයාගෙ ජිවිතෙ සම්පුර්ණයෙන්ම වගේ කණපිට පෙරළෙනවා. අවසානය වෙනකම් බලන්නකො. ඇත්තටම අපුරු චිත්‍රපටයක්. 2018 වර්ෂයෙදී ආපු Upgrade චිත්‍රපටය මතක් වෙයි.