IMDB 7.2 ක් ගත්ත නවතම මලයාලි චිත්‍රපටය තමයි මේ. මේ කාලෙ බොහෝ මලයාලම් චිත්‍රපට වගේම මේකත් බොක්ස් ඔෆිස් අතින් ඉතා සාර්ථක චිත්‍රපටයක්. මලයාලි සිනමාවට තවත් කෝටි 80 ඉක්මවපු ආදායමක් ලබා දීල තියෙනවා. ඒ නිසා මේ චිත්‍රපටයත් හැකි ඉක්මනින් ඔබට තිලිණ කරන්න හැකියාව ලැබුන එක සතුටක්.

ලංකාවෙ මලයාලම් රසිකයො අතර ඉතාම ජනප්‍රිය උන Hridayam මතකනේ. ඒක අධ්‍යක්ෂණය කල විනීත් ශ්‍රීනිවාසන්ම තමයි මේකත් අධ්‍යයක්ෂනය කරන්නේ. Hridayam වගේම තමයි මේකත් ටිකක් දිග ධාවන කාලයක් තියෙන චිත්‍රපටයක්. විනීත් මේ චිත්‍රපටයටත් ප්‍රානව් මෝහන්ලාල්, කල්‍යාණි ප්‍රියදර්ශන් දෙපළ ගන්න අමතක කරල නෑ.මේකෙ ප්‍රධාන චරිත දෙක වන ප්‍රානව් මෝහන්ලාල්ගෙ මෙන්ම ධ්‍යාන් ශ්‍රීණිවාසන්ගෙ චරිත තරුණ වයසෙ ඉඳල වයෝවෘද්ධ වයසට යන කල් විකාශනය වෙනවා. සෙසු ප්‍රධාන චරිත වල ඉන්න තරු පෝලිම අතර විනීත් වගේම නිවින් පෝලි, බැසිල් ජෝශප්, අජු වර්ගීස් අමතක කරන්න බෑ. අම්රිත් රාම්නාත්ගේ කුළුඳුල් සංගීත අධ්‍යක්ෂණයත් සහ ගීත ටිකත් මතක් කරන්න ඕනෙ.

දකුණු ඉන්දියාවෙ චිත්‍රපට කර්මාන්තය හා සම්බන්ධ වී සිය දක්ෂතා උරගා බැලීමට උත්සාහ කරන මිත්‍රයින් දෙදෙනෙකුගෙ කතා පුවතක් මේක. එකෙක් තිර රචනය සහ අධ්‍යක්ෂණය පැත්තෙනුත් අනෙකා සංගීතය පැත්තෙනුත් සිනමාවෙ ඉඩක් සොයා ගැනීමට කට්ට කනවා. එකෙක් සාර්ථක උනත් අනෙකා අසාර්ථක වෙනවා. ඒ සමග ඔවුන්ගේ ජීවිත කනපිට හැරෙනවා. එකිනෙකා ගෙන් වෙන් වන මේ දෙදෙනා නැවත හමු වේද?

ඒකයි මේ කතාව. වැඩි විස්තර ඕනෙ නෑනේ. එහෙනම් මේ ලස්සන කතාවත් බලන්න

• Malayalam