Parasyte: The Grey (2024) TV Season 01 Complete

හදිස්සියේම එක දවසක පරපෝෂිත පිලවා වගයක් පෘතුවියට කඩා වැටෙනවා, මේවා කොහෙන්, කොහොම ආවද කියලා කිසි කෙනෙක් දන්නෙ නෑ. මේ පරපෝෂිතයන්ට ජීවය රැකගන්න නම් මනුෂ්‍ය සිරුරක් ඕනෙ. මෙයාලා මනුෂ්‍ය සිරුරකට ඇතුල් වෙලා ඒ පුද්ගලයාගෙ මොළය ආහරයට අරන්, ඒ කෙනාව අත්පත් කරගන්නවා. පරපෝෂිතයෙක් ඇතුල් වුනාට පස්සෙ ඒ අදාල කෙනා තවදුරටත් මනුස්සයෙක් වෙන්නෙ නෑ. පිටතින් සාමාන්‍ය මනුස්සයෙක්ගෙ පෙනුම තිබුනත් වුනත් ඇතුලෙ ඉන්නෙ ඉතාමත් කෲර යක්ෂයෙක්.අපේ කතාවෙ ප්‍රධාන චරිතයක් වෙන ජොන්ග් සු ඉන්ගෙ සිරුරටත් පරපෝෂි පිලවයක් ඇතුල් වෙනවා, නමුත් යම් හේතුවක් නිසා මේ පරපෝෂිතයට සු ඉන්ගෙ මොලය සම්පූර්ණයෙන්ම අත්පත් කරගන්න බැරිවෙනවා. මේ හේතුව නිසා සු ඉන්ට ඒ පරපෝෂිතයා එක්ක එයාගෙ සිරුර බෙදාගන්න වෙනවා. පරපෝෂිතයාගෙ එකම අරමුණ සු ඉන්ගෙ සිරුර ආරක්ෂා කරගැනීම, මොකද ඒ සිරුර විනාශ වුනොත් එයත් විනාශ වෙන නිසා.

කන්ග් වූට සු ඉන්ව හම්බවෙන්නෙ අහම්බයෙන්. කන්ග් වූගෙ වැඩිමහල් සහෝදරියගෙ අමුතු හැසිරීමත් බාල සහෝදරියගෙ අතුරුදහන් වීමත් නිසා කන්ග් වූ එයාගෙ වැඩිමහල් සොහොයුරිය ගැන ටිකක් විමසිලිමත් වෙනවා. මේ හේතුවෙන් තමා එයාට පරපෝෂිත විකෘතියක් වෙලා ඉන්න සු ඉන්ව හම්බවෙන්නෙ. එතකොට චොයි ජුන් ක්යොන් කියන පරපෝෂිත මර්ධන ඒකකයේ ප්‍රධානියාගෙ එකම අරමුණ මේ ලෝකෙන් පරපෝෂිතයෙන් තුරන් කිරීමයි. ඇගේ ආදරණීය සැමියා පරපෝෂිතයෙක්ගෙ ගොදුරක් බවට පත් වුනාට පස්සෙ තමා ඇය මේ විදිහට පරපෝෂිතයන්ගෙ ප්‍රධාන සතුරා බවට පත් වෙන්නෙ.එතකොට කිම් චුල් මින් කියන්නෙ කුඩා කාලයේ ජොන් සු ඉන්ට උදව් කරපු පොලිස් මහත්මයෙක්. නිලධාරිනි ජුන් ක්යොන්ගෙ ඒකකය ඔහුගෙ බලප්‍රදේශයට එන නිසා ඔහුටත් මේ පරපෝෂිතයන් අල්ලන වැඩ වලට සම්බන්ධ වෙන්න වෙනවා.

ඉතින් කුතුහලය පිරී මේ කතාව නරඹන්න ඔබ සැමට ආරාධනා කරනවා.

• complete