අපරාධ, අභිරහස් සහ ක්‍රියාදාම (Crime Thriller) කතාමාලාවලට ආදරය කරන බයිස්කෝප් සිංහලෙන් අඩවියේ හිතවතුන් හැමෝටම සුබ දවසක්! අද මම අරන් ආවේ 2026 වසරේ Hulu නාලිකාව ඔස්සේ විකාශය ආරම්භ කරපු, ලොව පුරා ප්‍රේක්ෂක අවධානය දිනාගත් සුපිරිම Mini-Series එකක් වන “Furious” කතාමාලාවයි.

කතාවේ ප්‍රධාන චරිතය වෙන්නේ ඇලිස් බ්ලැක් (Alice Black). ඇය FBI ආයතනයේ සේවය කරන ඉතා දක්ෂ පරීක්ෂකවරියක්. නමුත් ඇගේ අතීතයේ සිදු වූ අඳුරු සහ කෲර සිදුවීමක් නිසා ඇය තවමත් පසුවන්නේ යම් මානසික පීඩනයකින්. මේ අතරතුර, නගරය පුරා විසිරී සිටින ධනවත් සහ බලවත් පිරිමින් ඉලක්ක කරගනිමින් අභිරහස් ඝාතන මාලාවක් සිදුවීමට පටන් ගන්නවා.

මේ ඝාතන පිටුපස සිටින්නේ එකම කාන්තාවක් බව හඳුනාගන්නා FBI ආයතනය, මෙම අභිරහස් ඝාතකයා (Serial Killer) සොයා ගැනීමේ වගකීම ඇලිස් වෙත භාර දෙනවා. පරීක්ෂණ ඉදිරියට යද්දී ඇලිස්ට තේරුම් යන්නේ මේ ඝාතනයට ලක්වන සෑම පුද්ගලයෙකුම අතීතයේදී යම් යම් අපරාධ සිදු කර නීතියෙන් බේරුණු අය බවයි. නීතියෙන් වැරදිකරුවන් කිරීමට නොහැකි වූ පුද්ගලයන්ට තමන්ගේම ක්‍රමයකට දඬුවම් දෙන මේ අභිරහස් කාන්තාවගේ අරමුණ කුමක්ද? ඇගේ අතීතය සහ ඇලිස්ගේ අතීතය අතර ඇති සැබෑ සම්බන්ධය කුමක්ද?

යුක්තිය සහ පලිගැනීම අතර වෙනස බොඳ වී යන මේ සටනේදී FBI පරීක්ෂක ඇලිස්ට මේ ඝාතකයා කොටු කරගැනීමට හැකිවේවිද? නැත්නම් ඇයටත් ඒ රැහැනටම හසුවීමට සිදුවේවිද?

මේ වනවිට මෙම කතාමාලාව ලෝක ප්‍රසිද්ධ IMDb සිනමා දර්ශකයේ 8.0/10 ආසන්න ඉහළ අගයක් ලබාගෙන ඇති අතර, Rotten Tomatoes හි විචාරක අගය (Critics Score) 98% ක් තරම් ඉතා ඉහළ අගයක් සටහන් කර තිබෙනවා. ඊට අමතරව TV Time සහ Letterboxd වැනි සිනමා වේදිකාවලද ප්‍රේක්ෂකයින් විසින් 90%+ ක ප්‍රේක්ෂක මනාපයක් ලබාදෙමින් 2026 වසරේ Hulu හරහා නිකුත් වූ හොඳම කතාමාලාවක් ලෙස මෙය ඇගයීමට ලක් කර තිබෙනවා.

Furiousහි ප්‍රධාන චරිතය, ඇලිස් බ්ලැක් ලෙස රංගනයෙන් දායකවන්නේ සුපිරි නිළි Emmy Rossum විසින්ය. Shameless ටෙලි කතාමාලාවේ “Fiona Gallagher” ලෙස ලොව පුරා අතිශය ජනප්‍රිය වූ ඇය, මෙම කතාමාලාවේ ප්‍රධාන චරිතය රඟපානවාට අමතරව විධායක නිෂ්පාදිකාවක ලෙසද කටයුතු කරනවා. ඊට අමතරව ඝාතකයාගේ චරිතයට Lola Petticrew (කැතරින් ලෙස) රංගනයෙන් එකතු වන අතර, Scoot McNairy (ඩැනී ලෙස), Jake Lacy (මාෂල් ලෙස) සහ Quincy Tyler Bernstine (නෝරා ලෙස) ඇතුළු පිරිසක් විශිෂ්ට රංගනයක නිරතවනවා.

ත්‍රාසය, කුතුහලය සහ ක්‍රියාදාම පිරි සැබෑ Crime Thriller අත්දැකීමක් විඳගන්න කතාව අරන් බලන්න කියලා හැමෝටම ආරාධනා කරනවා! සුභ දවසක්!

Season 01 සඳහා සිංහල උපසිරැසි ගැන්වීම Baiscope.lk උපසිරැසි අංශයේ නිලෂ්ක රන්දිම විසින්.