Back to the Future Part III (1990) Sinhala Sub
Back to the Future Part III (1990) Sinhala Subtitle
Back to the Future Part III (1990) Sinhala Subtitles | ගොපලු යුගයෙන් අනාගතයට. [සිංහල උපසිරසි සමඟ]

කාලයන් අතර සංචාරය කිරීම ගැන, කවදත් ලෝකයා අතර පැවතුන යම් යම් අදහස් අතරින් ගත් කරුණු පාදක කර ගෙන නිර්මාණය වූ “BACK TO FUTURE” ත්‍රිත්වයේ “පළමු කොටස” හා “දෙවන කොටස” නරඹා අදහස් දැක්වු සැමටම මගේ ස්තූතිය. මම අවසාන කොටසේ කතාව ගැන සුලු විස්තරයක් කරන්නම්.

නොසිතූ ලෙස වැදුණු අකුණක් හේතුවෙන්, කාල පරිපථය අක්‍රමත්වී (1985) වැඩිමහලු මහාචාර්ය වරයා සමගම කාලයන්ත්‍රය 1885 දක්වා අතීතයට ඇදී ගිය බව දෙවන කොටස අවසානයේදී ඔබට දක්නට ලැබුණා නේද? මේ හේතුවෙන් මාටි 1955 වර්ෂයේ අතරමං වෙනවා. එහිදී 1885 ඇදී ගිය වැඩිමහලු (1985) මහාචාර්ය වරයාගෙන් ලිපියක් ලැබෙනවා. ඉන් කියැවෙන්නේ කාල යන්ත්‍රය නැවත සොයා ගන්නා ආකාරයයි. එය සොයා ගැනීම සදහාත්, ක්‍රියාත්මක තත්වයට ගෙන ඒම සදහාත් 1955 සිටින තරුණ මහාචාර්ය වරයාගේ උපකාරයද ලබා ගන්නවා.

කාල යන්ත්‍රය සොයා ගන්නා ඔහුන්ට යම් අවාසනාවන්ත කරුණක්ද හෙළිදරව් වෙනවා. එනම් වර්ෂ 1885 දී සාමකාමී ජීවිතයක් ගත කරන මහාචාර්ය වරයා “මෑඩ් ඩෝග් ටැනන්” නැමැත්තා අතින් මරණයට පත් වීමට කටයුතු සකස් වෙමින් පවතීන බවයි. ඔහුව බේරා ගැනීම සදහා මාටිට 1885 පවතින පැරණි ගොපලු යුගයට සංචාරය කිරීමට සිදුවෙනවා. ඉක්මනින් නැවත පැමිණීමට බාධා රැසක් මෙවරත් ඇති වෙනවා. කාල යන්ත්‍රයට අවශ්‍ය ඉන්ධන නොමැති වීම, මෑඩ් ඩෝග් ටැනන් සමග වන ගැටුම, තමා වෙත ආදරයෙන් වෙලී ඉන්නා ගුරුවරිය හැරදමා යාමට මහාචාර්යවරයා දක්වන අකමැත්ත, ඉන් ප්‍රධානම කරුණු වෙනවා.

මහත් වූ නිර්භීත ‍ක්‍රියා රැසක් සිදු කරමින්, එම යුගයේ තිබෙන පහසුකම් භාවිතා කරමින්, අවසාන වශයෙන් ඔහුන් දෙදෙනා නැවත 1985 ට ඒමට අවශ්‍ය කටයුතු සකස් කර ගන්නා අකාරය මෙම චිත්‍රපටය තුළින් කදිම ආකාරයෙන් පෙන්නුම් කර තිබෙනවා.

ගොපලු (COWBOY) චිත්‍රපට නැරඔීමට ප්‍රිය කරන රසිකයන්ටත් වෙනසක් නැතිව මෙම තුන්වන කොටස රස විදීමට හැකියයි මම හිතනවා.

• English