මේ චිත්‍රපටය ඔස්කාර් සම්මාන 2ක් ඇතුළු සම්මාන 6ක් දිනා තවත් සම්මාන 29 කට නිර්දේශ වීම් ලැබූ චිත්‍රපටයක්. මෙහි IMDB අගය පාඨක ඡන්ද 95,928 ලබා ශ්‍රේණිගත කිරීම් වල 7.7 / 10 තරම් අගයක් ගන්නවා.

මේ නමින් පරිගණක ක්‍රිඩාවක් ඔයාලා අහලා ඇති. මේ චිත්‍රපටයට පාදක වෙන්නෙ 1993 ඔක්තෝබර් 3 හා 4 දෙදින තුල සෝමාලියාවේ මොගෙඩීෂු අගනුවර සිදුවූ ප්‍රසිද්ධ Battle of Mogadishu සටනයි. මෙනමින්ම Mark Bowden විසින් ලියු පොතක් ඇසුරෙන් මෙම චිත්‍රපටිය නිපදවනු ලබනවා. මෙම යුද්ධය සිදුවන්නෙ කැරලිකාර සිවිල් හමුදා නායකයකු වුනු Mohamed Farrah Aidid ගේ ජේෂ්ඨ නිලධාරීන් දෙදෙනෙකුව පැහැරගෙන ඒමට යන මෙහෙයුමේදී. එම මෙහෙයුම සඳහා අහස් යානා 19ක් Humvees ඇතුළු වාහන 12 ක් හා සෙබළුන් 160ක් සහභාගී වුනා. එම මෙහෙයුම පැය භාගයෙන් කල යුතුව තිබුනත් කැරලිකාර හමුදාව RPG භාවිතා කර Black Hawk හෙලිකොප්ටර් දෙකක් බිම දමා තවත් තුනකට හානි කරනු ලබනවා. තුවාල කරුවක් කිහිප දෙනෙක් ඉවත්කරගැනීමට හැකි වුවත් කිහිප දෙනෙකුව කොටු වීම නිසා මෙම මෙහෙයුම පැය 18 කට වඩා දිග බේරාගැනීමේ මෙහෙයුමක් බවට පත්වෙනවා.

මෙම චිත්‍රපටය අගැයුමට වගේම ගැරහුම් වලටත් පාත්‍රවෙච්ච චිත්‍රපටයක් වුනා. මෙහි නළුවන් හට කෙටි හමුදා පුහුණුවක්ද ලැබුනු අතර එහි අවසාන දින තම තමුන්ගේ දොරවල් වලට යටින් ලිපියක් ලැබුනු බව කියවෙනවා. ඔවුන් කළ අමාරු පුහුණුවට ස්තූති කර තිබූ එහි තවදුරටත් ලියැවී තිබුනේ “tell our story true” යනුවෙන්. එය අත්සන් කර තිබුනේ එම නළුවන් රඟපානු ලබන එම යුද්ධයේදී මිය ගිය සැබෑ හමුදා සොල්දාදුවන්ගේ නම් වලින්.

බලපු නැති අය බාලම බලන්න. කොයිම වෙලාවකවත් සතුරාව අවතක්සේරු කරන්නවත් තමන්ගේ ධෛර්යය නොනසා හැමවිටම පවත්වා ගැනිමටත් අමතක කරන්න එපා.

• English