ඔන්න අද අරගෙන ඇවිල්ලා තියෙන්නේ “Rumble Through The Dark” කියන, මේ අවුරුද්දේ එළි දක්වපු ෆිල්ම් එකක්. මේකට IMdb අගය 5.9 ක් ලැබිලා තියෙනවා. බය වෙන්න එපා. කිසිම කම්මැලිකමක් නැතුව මුල ඉදන් ෆිල්ම් එක බලාගෙන ඉන්න පුළුවන්.

ෆිල්ම් එක ගැන අදහසක් දෙන්න ඕනි නිසා, පොඩ්ඩක් මම කතාව ගැන විස්තරයක් කරන්නම්..

ජැක් බුචර් කියලා කියන්නේ හිටපු දක්ශ බෙයා නකල් ෆයිටර් කෙනෙක්..මේක ඇත්තටම නීති විරෝදී විදිහට තමයි සිද්ද වෙන්නේ..බිග් මොමා කියලා ගෑනු කෙනෙක් යටතේ තමයි සෙල්ලම් කලේ..හැබැයි මෙයා කලින්ම වැඩෙන් විශ්‍රාම ගන්නවා..ඊට පස්සේ සූදු කාරයන්ට අවශ්‍ය විදිහට සෙල්ලම් කරන්න ගන්නවා..දැනටත් හැබැයි ජැක්ට වෙන්න ඕනි හරිය වෙලා ඉවරයි..මොකද ෆයිට් කරපු ඒවගේ අතුරු ප්‍රතිඵලයක් විදිහට ඩිමෙන්ශියා තත්වයක් ඇවිල්ලා තියෙන්නේ..ඒ කියන්නේ මතකය ගොඩක්ම අඩුයි. ජැක් පොඩි කාලේ එයාගේ අම්මා එයාව දාලා යනවා..හැබැයි එයාව අරන් හදාගන්න අම්මා එයාව බලාගන්නේ තමන්ගෙම ළමයෙක් විදිහට. පස්සෙ කාලෙකදි ගෙදරයි ඉඩමයි දෙකත් මෙයාට ලියලා දීලා…ඒත් මෙයාලගේ ගෙදර බැංකුවට තියලා ජැක් සල්ලි අරගෙන..ඒක ගෙවාගන්න බැරුව ගෙදර බැංකුවට සින්න වෙලා දැන් වෙන්දේසියට දාන්නයි ලෑස්ති වෙන්නේ. ඒ මදිවට බිග් මොමාටත් ණයයි. හදාගත්ත අම්මා නවත්තලා ඉන්නෙත් නර් සින් හෝම් එකක.

කරපු වැඩේ වැරදී කියලා දැනිලා, ජැක්ට අවශ්‍ය වෙනවා ආයෙත් අම්මගේ ගෙදරයි ඉඩමයි බේරගන්න. හැබැයි එච්චර ගානක් හොයාගන්න ජැක්ට වෙන විකල්පයක් නෑ..ආයෙත් පුරුදු වැඩේට බහිනවා ඇරෙන්න. ඒත් ජැක් කියන්නේ දැන් ඉස්සර තරම් තරුණ ජව සම්පන්න කෙනෙකුත් නෙමෙයි…

එහෙනම් ජැක්ට එයාගේ බලාපොරොත්තුව ඉෂ්ට කරගන්න පුළුවන් වෙයිද කියලා ඔයාලටම බලාගන්න ඉඩ තියලා මම නවතින්නම්..

• English