අද ෆිල්ම් එක Instagram එකේ ගොඩක්ම viral උන ෆිල්ම් එකක්. Thalavara (2025) චිත්‍රපටයේ ප්‍රධාන චරිතයට පණ පොවන්නේ දක්ෂ මලයාලම් නළු අර්ජුන් අශෝකන්. Parava, B. Tech, June, Varathan, Unda, Super Sharanya, Pranaya Vilasam, Romancham, Bramayugam වගේ දැවැන්ත සිනමා නිර්මාණ හරහා ප්‍රේක්ෂක ආදරය දිනාගන්න මේ තරුණ නළුවා සමත් වෙලා තියෙනවා. චිත්‍රපටයේ නිළිය විදිහට මලයාලම් සිනමාවට අලුත් නිළියක් අපිට බලාගන්න පුළුවන්. ඇය නමින් රේවතී ශර්මා. මීට පෙර ඇය Garudan, August 16 1947 වැනි දමිළ චිත්‍රපට වල මුණ ගැසී තිබෙනවා. එම චිත්‍රපට වලට වඩා මේ චිත්‍රපටයේ ඇය වෙනස්ම චරිතයක් නිරූපණය කිරීම විශේෂත්වයක්.

කතාව පැත්තට ගියොත් ජ්‍යෝතිෂ් කියන්නේ (යාළුවෝ කියන්නේ ‘ස්පොටී’ කියලා) සුදු කබර රෝගය (vitiligo) නිසා තමන්ගේ පෙනුම ගැන අවතක්සේරුවෙන් ඉන්න තරුණයෙක්. පොඩි කාලේ ඉඳන්ම ෆිල්ම් පිස්සෙක්. එයාගේ තාත්තත් ෆිල්ම් ඩිරෙක්ටර් කෙනෙක් වෙන්න හීන දැකලා අසාර්ථක වුණු මනුස්සයෙක්. ඒ නිසා ජ්‍යෝතිෂ්ගේ අම්මා නිතරම බනින්නේ “උඹත් තාත්තා වගේම නන්නත්තාර වෙන්නද යන්නේ?” කියලා.

ජ්‍යෝතිෂ්ගේ යාළුවෝ සෙට් එක (ඩමී, ඕල්ඩී, සුධීෂ්) නිතරම කරන්නේ මෙයාව බයිට් කරන එක. මෙයාට ඇක්ටිව් වෙන්න බෑ, මූණ කැතයි, මොළයක් නෑ කියලා හැම තිස්සෙම විහිළු කරනවා.

මේ අතරේ ජ්‍යෝතිෂ්ගේ ගමට කුලියට එනවා සන්ධ්‍යා කියලා කෙල්ලෙක්. සන්ධ්‍යාගේ හිතේ ජ්‍යෝතිෂ් ගැන කැමැත්තක් ඇති වෙනවා. ඒත් සන්ධ්‍යා වගේ වැදගත් පවුලක කෙල්ලෙක්ව ජ්‍යෝතිෂ් වගේ පෙනුමෙන් පහත් කෙනෙක් එක්ක සම්බන්ධකම් තියාගන්නවට කැමති වෙයිද.? ජ්‍යෝතිෂ්ගේ චිත්‍රපට හීනයට යන්න පුළුවන් වෙයිද ? චිත්‍රපටය අවසානයේ මේ හැම දේටම උත්තර දැන ගන්න පුළුවන්. ඒ නිසා චිත්‍රපටය මඟ නොහැර බලන්න කියලා ආරාධනා කරනවා.