කතාවට ගියොත්…

අපේ සැන්ටා එහෙමත් නැත්තම් නත්තල් සීයා දැන් අවුරුදු ගාණක් හැම නත්තලකටම තිස්සෙ ලෝකෙ වටේම ඉන්න එයාගෙ හොඳ ලැයිස්තුවේ ඉන්න ළමයින්ට තෑඟි බෙදාගෙන තමයි ඉන්නෙ,ඉතිං අවුරුදු ගාණක්ම මේක කරල,දැන් ලෝකෙ වෙලා තියෙන පරිවර්තනය දැක්කම නත්තල් සීයටත් මේක අතාරින්න හිතිලා තමා ඉන්නෙ,ඒ ගැන ෆිල්ම් එකේ පොඩ්ඩක් කතා වෙනවා,

ඉතිං එහෙම හිතාගෙන තවත් නත්තලක් ඉස්සරහට අදින්න කියල හිතාගෙන එයා නත්තලට කලින් දවසක රෑ තෑඟි බෙදන්න කියල යනවා ලයිට්ස්ටෝන් කියන ධනවත් පවුලේ සුපිරි ගෙදරට,ඒ ගෙදරත් හැම ගෙදරකම වගේ නත්තල් සීයට කන්න කියල රසකැවිලි එහෙම තියල තියනවා(සම්ප්‍රදායක්  විදිහට).හැබැයි මේ ගෙදරට එයාගෙ හිත අල්ලනවා…මොකද මේ නත්තල් සීයාටත් පොඩ්ඩක් බීමවලට ඇබ්බැහියක් තියනවා,මේ පෝසත් ගෙදරින් එයා දැකපු හොඳම බීම වර්ගවල එයා රසවිදින්න පටන්ගන්නවා…ඉතිං ආපු වැඩේ කරල යන්නැතුව බීමට වැටුණ අපේ නත්තල් සීයට ඒ පෝසත් ගෙදර සිද්ධ වෙන්න යන මංකොල්ලයට මැදිවෙන්න සිද්ධ වෙනවා…එතනින් එහාට තමා ක්‍රියාදාමය පටන්ගන්නෙ…

ඉතිං චිත්‍රපටයේ මම කියපු සිද්ධි වලට අමතරව ගොඩක් දේවල් තියනවා…ඒ ටික ඔයාලටම රසවිදින්න කියල ආරාධනා කරනවා…