🎬 කතා සාරාංශය (Story Summary):

ආ… මෙන්න මේ පැත්තට පොඩ්ඩක් අවධානය දෙන්න! කැප්ටන් හුක් කිව්වම මතක් වෙන්නෙ පීටර් පෑන් එක්ක නටපු නාඩගමක් නේද? 😉 ආන්න ඒ ඔක්කොම අමතක කරලා දාන්න. මොකද මේ පාර අපේ කපිතාන් පරණ හතුරා, අද්මිරාල් ස්මී අතින් පරාද වෙලා, හොඳටම නෝන්ඩි වෙලා ඉන්නෙ. 😅

ඉතින් පණ බේරගෙන දුවලා ඇවිත් හැංගෙන්නෙ එල්ඩ්‍රිච් ලෑන්ඩින් කියන අමුතු ගමක. ඔතනදි තමයි මෙයාට සෙට් වෙන්නෙ තමන්ගෙ නංගිව මරපු එකේ පලිය ගන්න දත කට මැදගෙන ඉන්න සයිලස් කියලා කම්මල්කාරයෙක්ව. 🔥 දැන් ඉතින් දෙන්නම එකතු වෙලා පලිගන්න ගේමක් ගහන්න හැදුවට, වැඩේ හිතන තරම් ලේසි නෑ. එක පැත්තකින් ස්මීගේ රතු කෝට්කාරයෝ පස්සෙන් පන්නනවා 🏃‍♂️, තව පැත්තකින් පරණ ශාප එහෙම අවදි වෙනවා 💀. කඩු සටන්, වනාන්තරේ ඇතුළේ කරන සෙල්ලම් අස්සේ මේ දෙන්නගෙම අරමුණුත් ටිකක් විතර පරස්පරයි. ඉතින් මේ හැමදේම මැද්දේ, හුක් සහ සයිලස් එකතු වෙලා අද්මිරාල් ස්මීට පාඩමක් උගන්නන්න යන මේ ගමන, කැප්ටන් හුක් කියන නම ඉතිහාසයේ ලියවෙන විදිහ සදහටම වෙනස් කරයිද? 😎 බලලම දැනගමු නේද?

✍️ උපසිරැසියට ජීවය දුන් මගේ අදහස (My Opinion as the Subtitler):

මේ චිත්‍රපටියට උපසිරැසි ගන්වපු කෙනා විදියට මට මේක ගැන දැනෙන දේ තමා… IMDb අගය 3.8 ක් වගේ අඩු අගයක් තිබුණට, ඒක දිහා බලලා මේක පැත්තකට දාන්න එපා කියලා තමයි මට මුලින්ම කියන්න තියෙන්නෙ. 🤨 අපි දන්න පරණ කැප්ටන් හුක්ගේ කතාවට අඳුරු, Horror පැත්තක් එකතු කරලා හදපු අලුත්ම කෝණයකින් මේක දිග හැරෙන්නේ. ඇත්තටම ඒක වෙනස්ම අත්දැකීමක්.

කඩු සටන් සහ ක්‍රියාදාම ජවනිකා අඩු බජට් නිර්මාණයකට අනුව හොඳට කරලා තියෙනවා. ⚔️ විශේෂයෙන්ම වනාන්තරේ ඇතුළේ තියෙන දර්ශන සහ ශාපලත් දේවල් ගැන කියවෙන තැන්වලදී පොඩි බයකුත් හිතට එනවා. 👻 මේක හොලිවුඩ් බ්ලොක්බස්ටර් එකක් බලාපොරොත්තුවෙන් බලන්න එපා. හැබැයි, Adventure එකකටයි, පලිගැනීමේ කතාවකටයි ආස කෙනෙක්ට පැය එකහමාරක් විතර කිසිම කම්මැලිකමක් නැතුව බලන්න පුළුවන් ෆිල්ම් එකක්. 👍 කැප්ටන් හුක් කියන චරිතේ වෙනස්ම පැතිකඩක් දකින්න ආස නම්, මේක නියම තේරීමක් වේවි.

• English