“Husbands in Action”: Netflix හි අලුත්ම කොරියානු Action-Comedy චිත්‍රපටය
ආයුබෝවන් Cinesubz යාලුවනේ! අද අපි ඔයාලට අරගෙන ආවේ cinesubz ඔස්සේ නැරඹිය හැකි අලුත්ම කොරියානු Action-Comedy චිත්‍රපටයක් ගැන තොරතුරුයි. ඒ තමයි “Husbands in Action”. ක්‍රියාදාම (Action) සහ Comedy මනාව මුසු වූ මෙම චිත්‍රපටය ප්‍රේක්ෂකයින්ට අලුත්ම අත්දැකීමක් ලබා දෙනවා.
මේ කතාව ගෙතී තිබෙන්නේ Choong-sik නම් මත්ද්‍රව්‍ය නාශක පොලිස් නිලධාරියා වටායි. ඔහු වසර ගණනාවක් මහන්සි වී මත්ද්‍රව්‍ය කල්ලියක් අත්අඩංගුවට ගන්නවා. නමුත් ඔහුට ඒ සතුට භුක්ති විඳින්නට පෙර, ඔහුගේ හිටපු බිරිඳව කවුරුන් හෝ පැහැරගෙන ඇති බවට පුදුමසහගත ආරංචියක් ලැබෙනවා.
ඇයව බේරාගැනීම සඳහා Choong-sik ට තමන්ගේ හිටපු බිරිඳගේ වර්තමාන සැමියා වන Min-seok සමඟ එකතු වීමට සිදුවෙනවා. Min-seok කියන්නේ හරිම මෘදු ගතිගුණ ඇති පශු වෛද්‍යවරයෙක්. කිසිසේත්ම නොගැලපෙන මේ දෙන්නා එකතු වෙලා බිරිඳව බේරගන්න යන මෙහෙයුම තමයි මේ චිත්‍රපටයෙන් බලාගන්න පුළුවන් වෙන්නේ.
Choong-sik කියන්නේ ඉක්මනින් කේන්ති යන, ක්‍රියාදාම වලට කැමති කෙනෙක්. ඒත් Min-seok කියන්නේ හරිම සන්සුන්, සාමාන්‍ය ජීවිතයකට පුරුදු වුණු කෙනෙක්. මේ දෙන්නාගේ එකතුවෙන් හැදෙන chemistry එක නිසා කතාව පුරාවටම ගොඩක් හිනාවෙන්න පුළුවන්.
උද්වේගකර ක්‍රියාදාම: සිනහව අතරමැද චිත්‍රපටය පුරාම ඉතාමත් ත්‍රාසජනක ක්‍රියාදාම දර්ශන (Action scenes) ඇතුළත් වෙනවා.
කතාවේ හැරවුම් (Twists): පරණ මත්ද්‍රව්‍ය කල්ලිය බිඳවැටුණාට පස්සේ අලුත් කල්ලි නායකයින් දෙන්නෙක් වන Do-joon සහ Yong-gang බලය අල්ලන්න සටන් කරනවා. මේක කතාවට තවත් කුතුහලයක් එකතු කරනවා.
කලින් “Extreme Job” චිත්‍රපටයෙන් අපේ ආදරය දිනාගත් සුපිරි රංගන ශිල්පීන් දෙපළක් වන Jin Sun-kyu සහ Gong Myung මෙහි ප්‍රධාන චරිත නිරූපණය කරනවා. ඔවුන් දෙදෙනාගේම ආදරය දිනාගත් බිරිඳ වන ‘Si-nae’ ගේ චරිතයට පණ පොවන්නේ ජනප්‍රිය නිළි Kang Han-na විසිනි.
ඇයි ඔබ මෙය නැරඹිය යුත්තේ? Action, Comedy සහ හැඟීම්බර අවස්ථා ඉතා අලංකාර ලෙස මුසු කර ඇති නිසා, මෙය පවුලේ සියලු දෙනාටම එකට වාඩි වී නැරඹිය හැකි කදිම චිත්‍රපටයක්. දැන්ම Netflix හරහා ඔබට මෙය නැරඹිය හැකියි.
වැඩිදුර තොරතුරු සඳහා: අලුත්ම චිත්‍රපට සහ රූපවාහිනී කතාමාලා ගැන ඉක්මනින්ම දැනගන්න අපගේ Facebook පිටුවට එක්වන්න: facebook.com/cinesubzmovie