ගමේ ඉන්න සාමාන්‍ය කොල්ලෙක් වෙන නවීන, එයාගේ ආදරේ වෙන ආශාගේ හිත දිනාගන්න යාළුවොත් එක්ක එකතු වෙලා කරන පිස්සු වැඩ ගොඩක් වටා තමයි මේ කතාව ගෙතිලා තියෙන්නේ. ආදරය විතරක් නෙවෙයි, යාළුකම, විහිළු තහළු වගේම ජීවිතේ අපූරු සිදුවීම් ගොඩකුත් මේ නිර්මාණයට මුසු කරලා තියෙනවා.
Dhanurdhari Pavan ගේ අධ්‍යක්ෂණයෙන් 2026 වසරේ තිරගත වූ Lo Naveena කියන්නේ කන්නඩ සිනමාවෙන් ආපු ලස්සන Comedy, Drama, Romance වර්ගයේ සිනමා සිත්තමක්. ප්‍රධාන චරිතවලට ජනප්‍රිය කන්නඩ ගායක Naveen Sajju සමඟින් Reshma V Gowda, Dharmanna Kadur, Ramesh Papaya සහ Varsha Giridhar රංගනයෙන් දායක වෙනවා.
ගමේ කොල්ලෙක්ගේ අව්‍යාජ ආදරයක් වෙනුවෙන් එයාගේ යහළුවන් දෙන සහයෝගය කොයි වගේද කියන එකත්, ආශාගේ හිත දිනාගැනීමේ අරමුණ වෙනුවෙන් ඔහුට මුහුණ දෙන්න සිද්ධ වෙන අභියෝග මොනවාද කියන එකත් කතාව පුරාවටම ලස්සනට නිරූපණය වෙනවා. කම්මැලිකමක් නැතුව හිනාවෙලා රසවිඳින්න පුළුවන් වෙනස්ම විදියේ ආදර කතාවක් තමයි මේක.