දහවල් කාලයේදී අමානුෂික ඝාතන හයක් සිදු කරන විෂ්ණු කියන තරුණයා වටා ගෙතුණු මේ කතාවෙන්, මත්ද්‍රව්‍ය, ණය බර සහ සමාජීය පීඩනය නිසා සාමාන්‍ය කොල්ලෙක් කොහොමද මෘගයෙක් බවට පත්වෙන්නේ කියලා අමු අමුවේම පෙන්වනවා. තමන් ආදරය කරපු කෙල්ල අහිමි වෙලා, තාත්තා කරපු ණය බරයි අම්මගේ ලෙඩ දුක්වලටයි හිරවුණු විෂ්ණු, ඔන්ලයින් ගේම් සහ ලෝන් ඇප් වලට ඇබ්බැහි වෙලා අන්තිමට මේ වගේ අන්තයකට යන හැටි දැක්කම කෙනෙක් උපතින්ම මිනීමරුවෙක් වෙන්නේ නෑ කියන ඇත්ත අපිට හොඳටම තේරුම් යනවා.
අපේ රටෙත් මේ වගේ මත්ද්‍රව්‍ය, ණය සහ ඔන්ලයින් ගේම් වලට අහුවෙලා තරුණ ජීවිත විනාශ වෙන හැටි දකින නිසා මේ කතාව අපේ ජීවිතවලටත් ගොඩක් සමීපයි. අධ්‍යක්ෂ ප්‍රසාද් නූරනාඩ් මුල ඉඳන්ම පට්ටම ත්‍රාසජනක ගතියක් තියාගන්න සමත් වෙලා තියෙන අතර, අජාස් ඇතුළු අලුත් රංගන ශිල්පීන් පිරිසක් එකතු වෙලා තමන්ගේ මනස කඩා වැටෙන හැටි හරිම තාත්විකව ඉදිරිපත් කරනවා. කතාව අන්තිමට විෂ්ණු කරන පාපොච්චාරණයෙන් ඇත්තටම වැරදිකාරයා එයාද නැත්නම් මේ කුරිරු සමාජයද කියලා හිතන්න පොළඹවන, සැබෑ සිදුවීම් ආශ්‍රයෙන් හැදුණු මේ මලයාලම් ක්‍රයිම් ත්‍රිලර් ෆිල්ම් එක බලන්න එකතු වෙන්න කියලා ඔයාලා හැමෝටම ආදරයෙන් ආරාධනා කරනවා!