විශ්‍රාම යන්න ඉන්න රහස් පරීක්ෂකවරයෙක්ට දැනගන්න ලැබෙනවා දාම ඝාතකයෙක් (Serial killer) තමන්ගේ පුතාව පණ පිටින් වළලලා කියලා. ඉතින් තමන්ගේ පුතාට හුස්ම ගන්න තියෙන වාතය ඉවර වෙන්න කලින්, ඔහුව බේරගන්න නම් මේ රහස් පරීක්ෂකවරයාට මිනීමැරුම් මාලාවක අභිරහසක් විසඳන්න සිද්ධ වෙනවා.
මේ ෆිල්ම් එක ගැන මුලින්ම ප්‍රකාශයට පත් කළේ 2024 දෙසැම්බර් මාසයේදීයි. ජොෂ් ඩුහමෙල්, ඩිලන් ස්ප්‍රවුස් සහ ටිල් ෂ්වයිගර් ප්‍රධාන චරිත රඟපාන බවත්, ලිපර් විසින් සම-රචනය, අධ්‍යක්ෂණය සහ නිෂ්පාදනය කරන බවත් එහිදී වාර්තා වුණා. ලැටිගෝ ෆිල්ම්ස් (Latigo Films) ආයතනය යටතේ ඩේවිඩ් ලිපර්, රොබට් ඒ. ඩේලි ජූනියර් (Robert A. Daly Jr.), මාර්ක් කැන්ටන් (Mark Canton), ඩොරති කැන්ටන් (Dorothy Canton) සහ රයන් වින්ටර්ස්ටර්න් (Ryan Winterstern) මේක නිෂ්පාදනය කරලා තියෙනවා. මේ සඳහා මූල්‍ය දායකත්වය ලබා දුන්නේ BondIt Media Capital ආයතනයයි. ටොරොන්ටෝ චිත්‍රපට පාසලට (Toronto Film School) අනුව, ලෙවින් මේකේ පළවෙනි පිටපත 2021 දී ලියලා තියෙනවා. ඊට පස්සේ අවුරුදු තුනක් තිස්සේ ලිපර් එක්ක එකතු වෙලා මේ තිර රචනය තවදුරටත් වැඩිදියුණු කරලා තියෙනවා.