අන්තිම පොත

Thriller ෆිල්ම් බලන්න කැමති අයට 2026 ඔක්තෝබර් 23 වෙනිදා ඇමරිකාවේ සිනමාහල්වල තිරගත වෙන්න පටන් ගත්ත අලුත්ම ෆිල්ම් එකක් තමයි A Talent for Murder කියන්නේ. මේක ප්‍රසිද්ධ නවකතාකාරියක් වෙන Patricia Highsmith ගැන හැදුණු කතාවක්. මේ ෆිල්ම් එක අධ්‍යක්ෂණය කරලා තියෙන්නේ Anton Corbijn වන අතර, Joanna Murray-Smith 2014 දී ලියපු Switzerland කියන වේදිකා නාට්‍යය පාදක කරගෙන ඇයම තමයි මේකේ තිරපිටපතත් ලියලා තියෙන්නේ.
කතාව ගැන කිව්වොත්, නිව්යෝර්ක්වල ඉඳන් ස්විට්සර්ලන්තයට එන තරුණයෙක් ප්‍රසිද්ධ Thriller ලේඛිකාවක් වෙන Patricia Highsmith ව හම්බවෙන්න යනවා. එයාගේ අරමුණ වෙන්නේ Patricia ගේ ප්‍රසිද්ධ Tom Ripley පොත් පෙළේ අන්තිම පොත ලියන්න එයාව කැමති කරගන්න එක. හැබැයි මේ වැඩේට එයා ගන්න උත්සාහයන් ටිකෙන් ටික හරිම භයානක සහ අඳුරු පැත්තකට හැරෙන්න පටන් ගන්නවා.
මේකේ ප්‍රධාන චරිතය වෙන Patricia Highsmith ට පණ පොවන්නේ Helen Mirren. ඒ වගේම Alden Ehrenreich මෙහිදී Edward Ridgeway කියන තරුණ සංස්කාරකවරයාගේ චරිතයත්, රෝමයේ ඉන්න Tom Ripley කියන චරිතයත් කියන දෙකම රඟපානවා. එයාලට අමතරව Olivia Cooke සහ Juliet Stevenson ත් මේ ෆිල්ම් එකට රංගනයෙන් දායක වෙනවා. Bleecker Street සහ LD Entertainment මගින් නිකුත් කරපු මේ ෆිල්ම් එකට විචාරකයන්ගෙන් ගොඩක් හොඳ ප්‍රතිචාර ලැබිලා තියෙනවා.

Comments