ඔස්ලෝ ටෙලි චිත්‍රපටය එළිදැක්වෙන්නේ 2021දීයි. මෙම චිත්‍රපටය නිර්මාණය වී ඇත්තේ ඊශ්‍රායලය සහ පලස්තීන විමුක්ති සංවිධානය ( PLO)අතර 1990 ගණන්වල ඔස්ලෝහි පැවති පසු-නාලිකා සාකච්ඡා අලලාය. අධ්‍යක්ෂණය Bartlett Sher විසින් වන අතර මෙහි ප්‍රධාන චරිත වලට පණ පොවන්නේ Andrew Scott, Ruth Wilson, Waleez Zuaiter, Jeff Wilbusch and Salim Dau විසිනි. එකිනෙකා සමග යුද්ධයට ගියද, කිසිදා මුහුණට මුහුණ මුණගැසී නොමැති ඊශ්‍රායෙල් සහ පලස්තීන නායකයන් එකම කාමරයක රහසේ ආරම්භ කරන මේ සාකච්ඡාවට කෙතරම් දුරකට යෑමේ හැකියාවක් ඇතිද? වරක් එකිනෙකා පිළිකුල් කලද මිතුරන් බවට පත්වන මොවුන් අවුරුදු සිය ගාණක වෛරය නිමා කිරීමට සමත් වේවිද? එය දැන ගැනීමට මෙම විශිෂ්ඨ නිර්මාණය නරඹන ලෙස මම ඔබට ආරාධනා කරමි.