මේක මුළු ලෝකෙම කතා බහට ලක් වෙච්ච කතාවක් තියෙන ෆිල්ම් එකක්. 2003 දී Dan Brown කියන ලේඛකයා මේ නමින්ම රචිත ප්‍රබන්ධය ඇසුරින් තමයි මේ ෆිල්ම් ඒක හදලා තියෙන්නේ. මේකේ අන්තර්ගතය මුළු ක්‍රිස්තියානි ලෝකෙම උඩු යටිකුරු කරපු නිසා මේක මේක තහනම් කරන්න කියලා කතෝලික පල්ලියෙන් ඉල්ලීම් පවා කළා. නමුත් ඉතිහාසයේ වුන සිදුවීම් ඇසුරෙන් මේක ප්‍රබන්ධගත කරලා තියෙන අන්දම දැක්කාම මේ කතාව ඇත්තද කියලා හිතෙන්න තරම් දක්ෂ විදියට මේක නිර්මාණය කරලා තියෙනවා. මේ නිර්මාණය සාර්ථක වෙන්න තව හේතුවක් වුනා Tom Hanks, Audrey Tautou, Ian McKellen, Alfred Molina, Jürgen Prochnow, Jean Reno, සහ Paul Bettany කියන ලෝක පූජිත රංගධරයන් මේකට දායකත්වය සැපයීම.

කතාවට අනුව ක්‍රිස්තු චරිතයේ කියවෙන මේරි මැග්ඩලීන් කියන කාන්තාව ජේසුස් ක්‍රිස්තුස් වහන්සේගේ බිරිඳ බවත්, මේ දෙන්නට දාව ඉපදෙන දරුවාගෙන් පැවත එන පරම්පරාවේ අය තවමත් සිටින බවත් කියවෙනවා. ඒක නිසා මේ රහස ලෝකයා දැනගත්තොත් ජේසුස් ක්‍රිස්තුස් තුමාගේ ශුද්ධත්වයට හානියක් වෙයි කියලා අර ජීවමාන පැවත එන්නන්ව විනාශ කරන සංවිධානයක් සහ ඒ අයව ආරක්ෂා කරන පුරාණ සංවිධානයක් ඉන්නවා. මේ දෙගොල්ල අතර සටනට මැදි වෙන මහාචාර්ය ලැන්ග්ඩන් (අර Angels & Demons එකෙත් හිටියේ) සහ තරුණ ගුප්ත ලේඛන විසදන්නියක් ගැන තමයි මේකේ කියවෙන්නේ. අවසානයේ අපි නොහිතපු දෙයක් තමයි සිදුවෙන්නේ ඒක නිසා හොඳ අවධානයෙන් මුළු ෆිල්ම් එකම බලන්න නැත්නම් කතාව තේරෙන්නේ නැති වෙයි. එහෙනම් මම සමුගන්නවා ෆිල්ම් එකේ සඳහන් වෙන පිරුලක් දාගෙනෙ යන ගමන්. ඔයාල හමොයම ජය ශ්‍රී….

“මනස දකින්නේ, ඒක දකින්න තෝරා ගත්තු දේ පමණයි”

• English
• server21