පසුගිය මස 28 වෙනිදා සිට තිරගත වීම ඇරඹිලා, මාසයක් වගේ කාලෙකදි OTT ආපු චිත්‍රපටයක් තමයි Paradise කියන්නෙ. මේ චිත්‍රපටිය අපිට විශේෂ වෙන්නේ, මේක ඉන්දියානු සහ ශ්‍රී ලාංකික මිශ්‍රණයකින් නිමවුනු නිසයි. ශ්‍රී ලාංකීය ජේෂ්ඨ රංඟධාරීන් වන මහේන්ද්‍ර පෙරේරා, ශ්‍යාම් ෆනෑන්ඩු සමඟින් වත්මන් මලයාලම් සිනෙමාවේ, තාරුණ්‍යයේ ජනප්‍රිය රංඟධාරීන් දෙපලක් වන රොෂාන් මැතිව් සහ දර්ශනා රාජේන්ද්‍රන් මෙහි චරිත නිරූපණය කරනවා.

රොෂාන් මැතිව්’ව අපිට ගොඩක්ම මතක හිටින්නේ, ආනන්දම් සහ කැප්පෙලා චිත්‍රපටවලින්. දර්ශනාව නම් ගොඩක් ලංකාවෙ ප්‍රසිද්ධයි Hridayam චිත්‍රපටය නිසා. මේ දෙන්නා ලංකාවෙ තියටර් වල එහෙම දර්ශන වාර වලට පහුගිය ටිකේ ගොඩක් සහභාගීත් වුනා වගේම මේ දෙපළ ශ්‍රී ලාංකීය ප්‍රේක්ෂකයින් ගැන වර්ණනා පවා කලා.

ඉතිං මේ චිත්‍රපටය වටා ගෙතෙන්නේ, ඉන්දියානු යුවලක් සිය 5 වෙනි විවාහ සංවත්සරය සමරන්න කියලා ඒ දෙපළ ලංකාවට එනවා. ඒ අතරේ ඔවුන්ට නොසිතූ විදියට මුහුණ පාන්න වෙන දේවල් එක්ක කථාව බැදී ගමන් කරනවා.

ඉතිං ශ්‍යාම් ෆනෑන්ඩු මෙහි සංචාරක මඟ පෙන්වන්නෙක් විදියට කටයුතු කරනවා. ඔහු නම් මේ ළඟදිත් පොන්නියින් සෙල්වම් කියන ඉන්දියානු චිත්‍රපටයෙත් රජ කෙනෙක්ගෙ චරිතයක් කලානෙ. ඒවගේම මහේන්ද්‍ර පෙරේරා මෙහිදී පොළිස් නිළධාරී චරිතයක් නිරූපණය කරනවා. චරිත අඩු වුනාට මේක සිනෙමා උළෙලවල් වලත් කථා බහට ලක් වුණු චිත්‍රපටයක් වුනේ, බූසන් ජාත්‍යන්තර සම්මාන උළෙලෙදි Kim Jiseok අවෝඩ් එකත් දිනාගනිමිනුයි…ඒවගේම තවත් ගොඩක් සම්මාන උළෙලවල් වලදී, හොඳම නළුවා,නිළිය අධ්‍යක්ෂක, හොඳම චිත්‍රපටය,හොඳම සංස්කරණය වගේ ඒවටත් නිර්දේශ වෙලා තියෙනවා……

ඉතින් එහෙනන් මේ චිත්‍රපටය රස විඳින්න කියලා හැමෝටම ආරාධනා කරනවා

• Malayalam