මේ නමින්ම මෑතකදි තිරයට ආපු මලයාලම් චිත්‍රපටයකුත් තියෙනවා. ඒ නිසා මේ දෙක පටලව ගන්න එපා. මේක කොලිවුඩ් නොහොත් දමිළ චිත්‍රපටය විශේෂයෙන් ළමයින් අදාලකරගෙන නිෂ්පාදනය කරපු චිත්‍රපටයක්. දමිළ සිනමාවේ කළාතුරකින් බිහිවෙන විශිෂ්ඨ ඝණයේ චිත්‍රපට අතරේ ඉහළින්ම තියන්න පුලුවන් චිත්‍රපටයක් මේක.

මේක වර්ගකරල තියෙන්නේ ළමා නාට්‍යමය ඝනයට. එහෙම කිව්වම පටලවගන්න එපා මේක ළමා චිත්‍රපටයක් කියල. එකයි කිව්වේ කළාතුරකින් බිහිවෙන විශිෂ්ඨ ඝණයේ චිත්‍රපටයක් කියල. මේ චිත්‍රපටය හොද සිනමා රසිකයෙක්නම් අනිවාර්යයෙන් බැලියයුතු එකක් වෙනවා.

අපි බලමු මේකේ ගොඩ දැම්මේ කවුද කියල. අධ්‍යක්ෂණය තමයි කොලිවුඩ් නම ගිය අධ්‍යක්ෂක මාරි සෙල්වරාජ්. මෙයා ගැන වැඩි විස්තර ඕනේ නෑනේ. මාරි සෙල්වරාජ්ගේ ෆිලුමක් කිව්වම ආයේ වෙනම ෆිල්ම් එක ගැන කියන්න ඕනේ නෑ කියන තත්වයේ ඉන්න බ්‍රෑන්ඩඩ් අධ්‍යක්ෂකවරයෙක් . අධ්‍යක්ෂණය වගේම නිෂ්පාදනයේ කොටසකුත් භාරගෙන තියෙනවා. ඒ වගේම මේක සෙල්වරාජ්ගේ ජීවිතයට පොඩි බලපෑමක් එල්ලකල සිද්ධියක් පදකකරගෙන ලියපු ෆිල්ම් එකක් වෙනවා. ඒ සිද්ධිය චිත්‍රපටයේන්ම බලාගන්න.

චිත්‍රපටයක අධ්‍යක්ෂක ලගට වැදගත් තුන්දෙනෙක් තමයි කැමරාකරණය Theni Eswar , සංස්කරණය Suriya Pradhaman හා සංගීතය Santhosh Narayanan. මේ හතරම මනරම් විදියට ගැලපුන එක් සිනමාවක් තමයි මේ වාලයි. කැමරාකරණය විශිෂ්ඨයි ඒ විශිෂ්ඨත්වය තවත් තීව්‍ර කලා සංස්කරණය මගින්. සන්තොෂ්ගේ ගැමි සංගීත හඩ මේ චිත්‍රපටය බලන අපව විටෙන් විට අපව එක් එක් පරාසයන්ට රැගෙන යනවා. සින්දුටිකනම් පංකාදුයි.

රංගනයෙන් එක්වෙන්නේ Ponvel M., Raghul R., Kalaiyarasan and Nikhila Vimal in the lead roles, alongside J. Satish Kumar, Dhivya Duraisamy, Karnan Janaki සහ Nivedita Rajappan. මේකේ පොන්වේල් ( සිවනයින්දන්) හා රාගුල් (සේකර් ) දෙන්නගේම පලවෙනි චිත්‍රපටය. කැමරාව ඉදිරියේදී එහේම දෙයක් දැනුනේ නෑ. ඒකෙත් පොන්වේල් ඉදිරි අනාගතය ගැන කිසිම සැකයක් නෑ කොලිවුඩ්වලට ලැබෙන මැණිකක් වේවි. හැබැයි හරියට ඔප දැමුවොත්. හිතට අල්ලම ගිය කොටස ටීචර්ටම ලස්සනයි කියන එක. ඒ වගේම අවසානය.

කතාවනම්. (අවශ්‍යනම් විතරක් බලන්න ස්පොයිල්කරලනම් නෑ )

මේ චිත්‍රපටය මෙහෙම කියවල තේරුම් ගන්න පුලුවන් එකක් නෙවෙයි ඒක ෆීල් කරන්න ඕන එකක්.

දුෂ්කර ගමක් ඒ ගමේ ප්‍රධාන ජීවනොපාය කෙසෙල් කැන් කපල ගෙනල්ලා ලොරියට පටවන එක. කපන කණ්ඩායමක් පටවන කන්ඩායමක්. කපන එක කෙසේ වෙතත් පටවන එකනම් ලේසි පහසු වැඩක් නෙවෙයි. වෙල් මැදින් මඩගොහොරු තරනය කරගෙන ලොරියට ගේන්න ඕනේ. ඒකත් කැනකට රුපියලක් වගේ සොච්වමකට.ඉස්කෝලේ යන සිවනයින්දන් හා සේකර් සති අන්තයේ කෙසෙල් කරගහන්න යන්න ඕනේ . සේකර්ගේ ප්‍රශ්නයක් නෑ . සිවනයින්දන් දක්ෂයා ඉස්කෝලේ හැමදේටම දක්ෂම කොල්ලා. ඒ වගේම තමයි දැගලිල්ල. මෑන්ගේ ක්‍රෂ් එක තමයි පූංකොඩි ටීචර්. ඒ ක්‍රෂ් එක සිවනයින්දන් දකින්නේ වෙනස් විදියට. ඒක ටිචර්ට සිවනයින්දන් එක තැනකදී කියනවා. ඒකත් ඉතින් බලලම දැනගන්න. මේ සිවනයින්දන්ට ජිවීතයේ අකමැතිමදේ කෙසෙල් කරගහන්න යන එක. කැමතිම දේ ඉස්කෝලේ යන එක. මෑන්ට මාර අකරතැබ්බවල් වෙන්නේ නමුත් කටින් බෙරෙන්න දන්න එකා.

කතාව ගෙතෙන්නේ මේ සිවනයින්දන් හා සේකර් වටා. මේ අයට දෛවය කොහෝමද සලකන්නේ කියල දන්න සිංහලෙන්ම බලාගන්න

• Tamil