කතාව ගැන එහෙනම් බොහොම ටිකක් කියන්නම්,

කොනී, විද්‍යුත් උපකරණ අලෙවි සහායකයෙකු විදියට වැඩ කරන සාමාන්‍ය මනුස්සයෙක්. මෙයාගේ හිටපු බිරිඳ ගුවන් නියමුවෙක් එක්ක විවාහ වෙලා සාර්ථක ජීවිතයක් ගත කරමින් ඉන්නේ. මෙයාගේ චූටී දුවත් ඒ ගෙදර තමයි ඉන්නේ. ඒත් කොනීට දුවව බලන්න බිරිඳ නිතරම වගේ ඉඩ දෙනවා. මේ පොඩි කෙල්ල තමයි කොනීගේ ජීවිතේ තියෙන එකම සතුට. මෙයාගේ රැකියාවත් එච්චර සාර්ථක නෑ. ජීවිතෙත් එහෙමමයි. 

දවසක් කොනී LED TV එකක් සවි කරන්න ගෙදරකට යනවා. ඒත් ඒ ගෙදරදි වෙන්නේ නම් හිතාගන්නවත් බැරි අවාසනාවන්ත දෙයක්. ඒ සිද්ධියත් එක්කම කොනීගේ මුළු ජීවිතේම තිබුණටත් වඩා කනපිට පෙරලෙනවා. නිකන්ම නිකන් හිරේ වැටෙනවා. නඩුවක් අහලා හිර දඬුවමකුත් හම්බවෙනවා.

දුවගෙන් ඈත් වෙන එක ගැන හිතද්දි කොනීට දැඩි කම්පාවක් දැනෙනවා. ඒත් මිනිහා දන්නවා තමන් නිරපරාදේ හිරේ වැටුණ බව. ඒක ඔප්පු කරන්න මෙයා දැඩි උත්සාහයක් ගන්නවා. ඒත් ඒක ලේසි වෙන්නේ නෑ. මොකද පොලිසියේ දූෂණයි, අපරාධ කල්ලි එක්ක තියෙන කුමන්ත්‍රණයි නිසා…

ඔයාලව මෙතන මම කොහෙවත් spoil කිරීමක් කරේ නෑ කියලා හිතනවා. මේ කතාව බලන්න වෙනසකටත් එක්ක. ඇත්තටම නියමයි. මම කියනවට බලන්න. විනෝදාත්මක ගතියකුත් පිරිලා තියනවා.