කතා සාරාංශය:

අති දක්ෂ, පළපුරුදු මැරීන් භටයන් පිරිසක් ඉතාමත් නිර්භීත සහ අවදානම් සහගත කොල්ලයකට අත ගසනවා. ඔවුන්ගේ ඉලක්කය වන්නේ හමුදාව සතු අති ප්‍රබල, නවීන අවි ආයුධ තොගයක් තම සන්තකයට ගැනීමයි. සැලැස්ම පරිදි සියල්ල සිදුවන බවක් පෙනුනත්, ඔවුන් ඒ ආයුධ තොගයත් සමඟ අත්වැරදීමකින් හෝ සොරකම් කරන්නේ, ඔවුන්ගේ ජීවිත සදාකාලික නිරයක් බවට පත්කරන රහසක්!

ඒ තමා… සීතල යුධ සමයේ නිර්මාණය කර, පසුව අමතක කර දමන ලද, මරණය රැගෙන එන රොබෝ යන්ත්‍රයක්! කිසිදා තම මෙහෙයුම අත්නොහරින ලෙසට වැඩසටහන්ගත කර ඇති මේ නිර්දය යන්ත්‍රය, ආයුධ සොරුන් ලෙස සලකා මැරීන් භටයින්ව එකිනෙකා පසුපස ලුහුබඳිමින්, ඔවුන්ව විනාශ කිරීමට පටන් ගන්නවා. තමන් කළ සොරකමේ වන්දිය ලෙස මේ අනුකම්පා විරහිත යකඩ යන්ත්‍රය අතින් මිය යන්නට ඔවුන්ට සිදුවේවිද? නැතහොත් මේ නොනවතින දඩයමින් බේරී පලා යන්නට ඔවුන්ට කිසියම් මගක් හමුවේවිද?

ක්‍රියාදාම, භීතිය සහ හුස්ම හිරකරවන කුතුහලය එකට කැටි වූ, නොනවතින අරගලයක ඇරඹුමයි මේ!

උපසිරැසිකරුගේ ඇසින්:

මේ චිත්‍රපටියට සිංහල උපසිරැසි ගන්වපු කෙනා හැටියට මට මේ ගැන කියන්න තියෙන්නේ… මේක නම් නිකම්ම නිකම් Action පාරක් නෙවෙයි ඈ! 😱 ඇත්තටම Action, Horror, Thriller කියන රසයන් තුනම නූලට අල්ලලා තියෙන නිර්මාණයක්. අර සීතල යුධ කාලේ අමතක වෙලා හිටපු රොබෝ යකා පස්සෙන් පන්නනකොට නම්… බලාගෙන ඉන්න කෙනාගෙත් ඇඟේ මයිල් කෙලින් වෙන, පපුව ගැස්සිලා යන සීන් තියෙන්නේ! 🤖🔥 ඒ යකඩ යකාගෙන් බේරෙන්න මැරීන් සෙට් එක දෙන ගේම, වෙඩි තියාගන්න හැටි, දුවන පනින හැටි එහෙම සුපිරියටම තියෙනවා. ඒ ටෙන්ෂන් එක උපසිරැසි කරද්දිත් මට හොඳටම දැනුනා කිව්වොත් හරි. හුස්ම ගන්නවත් වෙලාවක් නැති තරමට කුතුහලයයි, බයයි මුළු ෆිල්ම් එක පුරාම රඳවගන්නවා. 7.1 ක IMDb අගයක් ලැබිලා තියෙන එක ගැන කිසිම පුදුමයක් නෑ ඒ නිසා. වෙනස්ම විදියේ අත්දැකීමක් එක්ක හොඳ Thriller/Horror පාරක් බලන්න කැමති අයට නම් මේක නියමෙට සෙට් වෙයි. අනිවා බලන්න කියලා recommend කරනවා! 👍🍿🎬

ප්‍රේක්ෂක නිර්දේශය:

මෙය වැඩිහිටි ප්‍රේක්ෂකයින් සඳහා වඩාත් සුදුසු නිර්මාණයකි. (ප්‍රචණ්ඩත්වය, භීතිය දනවන දර්ශන සහ යම් භාෂා භාවිතයන් අඩංගු විය හැක 🔞).

• English