My Royal Nemesis (2026) කියන්නේ මේ දිනවල (මැයි මාසයේ සිට) විකාශනය ආරම්භ වුණු, හාස්‍යය, ආදරය සහ ෆැන්ටසි (Fantasy) මුසු වුණු ඉතාම ජනප්‍රිය කොරියානු කතා මාලාවක්. මේ කතාවේ ප්‍රධාන චරිතය නිරූපණය කරන්නේ “The Glory” හරහා ප්‍රසිද්ධ වුණු Lim Ji-yeon නිළියයි.

කතාවේ සාරාංශයකතාව ආරම්භ වෙන්නේ ජොසොන් (Joseon) රාජ්‍ය සමයෙන්. එහි හිටපු ඉතාම කූට සහ රුදුරු බිසවක් වන කං දන්-සිම්, ඇය කළ වැරදි වලට දඬුවම් විදිහට වස දීලා මරණයට පත් කරනවා. හැබැයි ඇය මියගියත් ඇගේ ආත්මය වසර 300කට පස්සේ, ඒ කියන්නේ 2026 වර්ෂයේ වර්තමාන කොරියාවේ ජීවත් වෙන ෂින් සෝ-රි කියන නිළියගේ සිරුරට ඇතුළු වෙනවා. මේ ෂින් සෝ-රි කියන්නේ වැඩිය ප්‍රසිද්ධ නැති, හැමෝම කොන් කරපු අහිංසක නිළියක්. හැබැයි මේ රුදුරු බිසවගේ ආත්මය ඇගේ ඇඟට ආවට පස්සේ ඇගේ පෞරුෂය සම්පූර්ණයෙන්ම වෙනස් වෙනවා. ඇයට වර්තමාන ලෝකයේදී මුණගැහෙනවා චා සේ-ගියේ (Heo Nam-jun) කියන හිතක් පපුවක් නැති සල්ලිකාර තරුණයාව. මේ දෙන්නා අතර මුලින්ම ඇතිවෙන්නේ ලොකු ගැටුමක් වුණත්, පස්සේ ඒක හරිම ආදරණීය බැඳීමකට පෙරළෙන විදිහ තමයි මේ කතාවෙන් පෙන්වන්නේ.

මෙම කතා මාලාව මේ වෙනකොට ප්‍රේක්ෂකයින් අතර ලොකු අවධානයක් දිනාගෙන තියෙනවා. Lim Ji-yeon ගේ රංගනය මෙහිදී කැපී පෙනෙනවා. ඇය එකම වෙලාවක අහිංසක නිළියක් විදිහටත්, තවත් වෙලාවක ජොසොන් බිසවක් විදිහටත් කරන රංගනය ඉතාම විශිෂ්ටයි.ඒ වගේම අතීතයේ හිටපු කෙනෙක් නවීන ලෝකයේ තාක්ෂණය සහ ජීවන රටාව දැකලා පුදුම වෙන විදිහත්, ඒ දේවල් වලට ඇය හැඩගැහෙන විදිහත් නිසා කතාවට ලොකු හාස්‍යයක් එකතු වෙලා තියෙනවා. ඔබ “Mr. Queen” වැනි කතාවලට කැමති කෙනෙක් නම් මේ කතාව අනිවාර්යයෙන්ම බලන්න ඕනේ එකක්.මෙම කතා මාලාව මැයි 8 වෙනිදා සිට Netflix සහ SBS නාලිකාව හරහා කොටස් 14කින් යුක්තව විකාශනය වෙනවා.

Season 01 සඳහා සිංහල උපසිරැසි ගැන්වීම CinSubz.lk උපසිරැසි අංශයේ ධනංජ​ය විසින්.