Isakapatnam (2026) කියන්නේ Amazon Prime එකෙන් ආපු පට්ටම තෙලුගු ක්‍රයිම් ත්‍රිලර් සීරීස් එකක්. කථාංග 7ක් තියෙන මේ කතාව හදලා තියෙන්නේ ගැරී බී කියන අධ්‍යක්ෂකවරයා. 1980 සහ 90 ගණන්වල මුහුදු අයිනේ තියෙන වරාය ගමක සිද්ධ වෙන දරුණු බල අරගලයක් වටා තමයි මුළු කතාවම යන්නේ.

කතාව පටන්ගන්නේ මාළු අල්ලන මිනිස්සුන්ගේ ප්‍රශ්නවලින්. නායිදු කියන්නේ ඒ අස්සෙන් උඩට ඇවිත් මුළු පැත්තම පාලනය කරන්න පටන්ගන්න දරුණු මැර නායකයෙක්. හැබැයි එයාගේම දුව වෙන භාරතී කියන්නේ තාත්තා කරන අපරාධවලට පොඩ්ඩක්වත් කැමති නැති කෙල්ලෙක්. එයා අසරණ මිනිස්සු වෙනුවෙන් කතා කරන්න ගත්තම තාත්තයි දුවයි අතරේ ලොකු ගැටුමක් ඇතිවෙනවා. එක පැත්තකින් පිටින් එන හතුරෝ, අනිත් පැත්තෙන් තමන්ගේම පවුලේ අයගෙන් වෙන පාවාදීම් නිසා නායිදුගේ ලෝකය හිමින් හිමින් කඩන් වැටෙන්න ගන්නවා.

මේකේ නායිදුගේ චරිතය කරන්නේ සමුතිරකනි. දුවගේ චරිතය කරන්නේ අයිශ්වර්යා රාජේෂ්. දෙන්නම පට්ටටම රඟපානවා. 90 ගණන්වල පරිසරය සහ ගෑන්ග්ස්ටර් කතා බලන්න ආස කෙනෙක්ට නම් එක දිගට බලලා ඉවර කරන්න පුළුවන් සුපිරිම කතාවක් තමයි මේක. වෙලාවක් තිබ්බොත් අනිවාර්යයෙන්ම බලන්න!

Season 02 සඳහා සිංහල උපසිරැසි ගැන්වීම CinSubz.lk උපසිරැසි අංශයේ තුසිත් දිල්හාන් විසින්.