The Ark S01 (2023) – (අභ්‍යවකාශයේ ජීවිත අරගලය)

කොහොමද ඉතින්? අද මම Sci-Fi (විද්‍යා ප්‍රබන්ධ) සහ Mystery/Thriller කතාවලට ආස කරන අයට නම් මරුම භාණ්ඩයක් වෙන 2023 අවුරුද්දේ ආපු “The Ark ” කියන සුපිරිම කතා මාලාවට උපසිරැසියත් අරගෙනයි ආවේ.

හරි, එහෙනම් අපි වැඩි කතා නැතුව මේ සීරිස් එක ගැන පොඩ්ඩක් බලමු.

කතාව ගැන පොඩි හැඳින්වීමක්…

මේ කතාව දිගහැරෙන්නේ මෙතැන ඉඳන් තවත් අවුරුදු 100කට විතර පස්සේ, ඒ කියන්නේ අනාගතයේදී. අපේ පෘථිවිය සම්පූර්ණයෙන්ම වාසයට නුසුදුසු, විනාශකාරී තත්ත්වයකට පත් වෙනවා. ඉතින් මිනිස් සංහතිය නැතිවී යාමෙන් බේරගන්න තෝරාගත් පිරිසක් අරන් අලුත් ග්‍රහලෝකයක් වෙන Proxima b කරා යන්න “Ark One” කියන විශාල අභ්‍යවකාශ යානය පිටත් වෙනවා.

නමුත් ගමනාන්තයට ළඟා වෙන්න තව අවුරුද්දක් විතර තියෙද්දී, කිසිම කෙනෙක් නොසිතූ විදියේ බරපතල තාක්ෂණික අනතුරක් මේ යානය ඇතුළේ සිද්ධ වෙනවා. මේ අනතුරෙන් යානයේ හිටපු ප්‍රධාන නායකයෝ සහ ඉහළ නිලධාරීන් ඔක්කොම වගේ මිය යනවා! ඒ විතරක් නෙවෙයි, යානයේ තිබ්බ කෑම, වතුර සහ ඔක්සිජන් ප්‍රමාණයත් සීඝ්‍රයෙන් ඉවර වෙන්න පටන් ගන්නවා.

දැන් යානයේ ඉතිරි වෙලා ඉන්නේ කිසිම පළපුරුද්දක් නැති කනිෂ්ඨ නිලධාරීන් පිරිසක් විතරයි. නායකයෙක් නැතුව, සීමිත සම්පත් එක්ක, තවත් අවුරුද්දක් තිස්සේ ජීවිතය බේරාගෙන අලුත් ලෝකයට යන්නේ කොහොමද? මේ අනතුර හුදෙක් තාක්ෂණික දෝෂයක්ද? නැත්නම් යානය ඇතුළේම වුණු කුමන්ත්‍රණයක්ද?

එක පිට එක දිගහැරෙන කුතුහලය පිරුණු සිදුවීම් එක්ක පළමු වෙනි කොටසේ ඉඳන්ම ඔයාලව එක දිගටම කතාවට බැඳ තබාගන්න මේ සීරිස් එකට පුළුවන්.

Sci-Fi, Survival සහ Drama කතාවලට ආස හැමෝම අනිවාර්යයෙන්ම බලන්න ඕන සීරිස් එකක්! එහෙනම් කතාව බලන්න කියලා ආරාධනා කරනවා.

තවත් සුපිරි උපසිරැසියකින් ඉක්මනටම හමුවෙමු. හැමෝටම ජය වේවා!

Season 01 සඳහා සිංහල උපසිරැසි ගැන්වීම CinSubz.lk උපසිරැසි අංශයේ සචින් විසින්.