සැකය, මනෝවිද්‍යාත්මක හැසිරීම් (Psychological Behaviours) සහ සත්‍යය හා බොරුව අතර තියෙන සියුම් සීමාව වටා ගෙතෙන කොරියානු Psychological Thriller එකක් මේක .

එකම සිදුවීමක් ගැන දෙන්නෙක් සම්පූර්ණයෙන්ම වෙනස් කතා දෙකක් කියනවා නම්… ඇත්ත කියන්නේ කවුද කියලා ඔයා තීරණය කරන්නේ කොහොමද? දෙන්නගෙන් එක්කෙනෙක් අනිවාර්යයෙන්ම බොරු කියනවාද? නැත්නම් ඇත්තටම සිදුවුණ දේ අපි හිතනවාට වඩා සංකීර්ණද?

මේ කතාවේ ප්‍රධාන චරිත දෙක තමයි *Kang Ji-seon* සහ *Min Jun-ho*. Ji-seon කියන්නේ පාසලක ගුරුවරියක්. Jun-ho කියන්නේ හැමෝගෙම විශ්වාසය දිනාගත්තු හෘද ශල්‍ය වෛද්‍යවරයෙක්. ඔවුන් දෙදෙනා අතර ඇතිවෙන පළමු හමුවීමත්, ඒ හමුවීමෙන් පස්සේ ගෙවෙන විශේෂ රාත්‍රියත් කතාවේ හැරවුම් ලක්ෂ්‍යය බවට පත්වෙනවා.

ඒත් ඊළඟ දවසේ සිදුවෙන්නේ කවුරුත් බලාපොරොත්තු නොවුණු දෙයක්. ඔවුන් දෙදෙනාම තමන්ට මතක තියෙන සිදුවීම ගැන සම්පූර්ණයෙන්ම වෙනස් ප්‍රකාශ ඉදිරිපත් කරනවා. එක්කෙනෙක් කියන දේ අනෙකා ප්‍රතික්ෂේප කරනවා. අවසානයේ මේ ප්‍රශ්නය පොලිස් විමර්ශනයක් දක්වා දුරදිග යනවා.

මෙතැනින් පස්සේ තමයි කතාවේ සැබෑ කුතුහලය පටන් ගන්නේ. සාක්ෂි නැති තැනක, එකිනෙකට පරස්පර ප්‍රකාශ දෙකක් අතරින් ඇත්ත හොයාගන්නේ කොහොමද? දෙන්නාගේම හැසිරීම්, ප්‍රතිචාර, මතකයන් සහ ඔවුන් වටා ඉන්න පුද්ගලයන්ගේ සම්බන්ධතා පවා සැකයට ලක්වෙනවා.

විශේෂයෙන්ම මේ Drama එකේ තියෙන Psychological Side එක ගොඩක් Interesting. මොකද මෙතැනදී ප්‍රශ්නය වෙන්නේ කවුද හොඳ, කවුද නරක කියන එක විතරක් නෙවෙයි. කෙනෙක් කියන කතාවක් ඇත්තක් වගේ පෙනෙන්නත්, ඇත්තක් බොරුවක් වගේ පෙනෙන්නත් පුළුවන්. ඒ නිසා චරිතවල හැසිරීම් සහ ඔවුන්ගේ ප්‍රකාශ දිහාත් අවධානයෙන් බලන්න වෙනවා.

තවත් විශේෂත්වයක් තමයි කතාව ඉදිරියට යද්දී අපි මුලින් හිතාගෙන ඉන්න දේවල් ගැන පවා නැවත හිතන්න සිද්ධ වෙන එක. එක ප්‍රශ්නයකට උත්තරයක් හොයාගන්නකොට තවත් ප්‍රශ්න කිහිපයක් මතුවෙනවා. ඒ නිසාම කාගේ පැත්ත ගන්නද, කාව විශ්වාස කරන්නද කියන එක ලේසි තීරණයක් වෙන්නේ නැහැ.

*ඇත්ත කියන්නේ අපිට මතක තියෙන දේද? නැත්නම් අපි විශ්වාස කරන්න කැමති දේද?*

*කෙනෙක් බොරුවක් කියනවා කියලා හඳුනාගන්න පුළුවන්ද? නැත්නම් සමහර බොරු ඇත්තටත් වඩා විශ්වාසදායකද?*

Mystery, Crime සහ Psychological Thriller වලට කැමති අයට, හැම චරිතයක් ගැනම සැකයෙන් බලන්න හිතෙන, කුතුහලය දිගටම පවත්වාගෙන යන K-drama එකක්. ඉතින් අවසානය වෙනකම් බලලා කතාවේ ඇත්ත මොකක්ද කියලා ඔයාම හොයාගන්න!🖤

Season 01 සඳහා සිංහල උපසිරැසි ගැන්වීම CineSubz.lk උපසිරැසි අංශයේ ලොශිනි විසින්.