මාෂියා කියන්නේ මුළු ලෝකය වටාම සංචාරය කරමින් ඒ ගැන රූපවාහිනී වැඩසටහන් කරන නිවේදිකාවක්. තමන්ගේ අලුත්ම සංචාරක වැඩසටහනට ඇය ආදරය කරන පෙම්වතා වෙන ආර්නෝල්ඩ්වත් එකතු කරගන්න තීරණය කරලා තියෙනවා. හැබැයි මේ දෙන්නා කැමරාව ඉස්සරහා වගේම කැමරාවෙන් පිටතදීත් නිතරම ගැටෙන්න පටන් ගැනීම තමයි ප්‍රධානම ප්‍රශ්නය. රස්සාවයි ආදරයයි දෙකම එකට පවත්වාගෙන යන්න ගියාම කොයි වගේ අකරතැබ්බ වලට මුහුණ දෙන්න වෙයිද කියලා මේ සංචාරය පුරාවටම අපිට බලාගන්න අවස්ථාව ලැබෙයි.
මෙතනදී ප්‍රධාන චරිතය වෙන මාෂියා විදිහට රඟපාන්නේ මේ චිත්‍රපටයේ අධ්‍යක්ෂකවරිය වෙන Marcia Kimpton විසින්මයි. ඇයත් එක්ක Brian Gross පෙම්වතාගේ චරිතයෙන් විශිෂ්ට සහයෝගයක් ලබා දීලා තියෙනවා. මේ චිත්‍රපටයේ තියෙන විශේෂම දේ තමයි ග්‍රීසිය, තුර්කිය, ප්‍රංශය සහ දකුණු අප්‍රිකාව වගේ රටවල් ගණනාවක ඇත්තටම රූගත කිරීම් සිදු කරලා තිබීම. ඒ නිසාම ලෝකේ වටේ යන්න ආස අයට මේ කතාවෙන් ලොකු වින්දනයක් වගේම වෙනස්ම අත්දැකීමක් ලබාගන්න එක නම් අනිවාර්යයි.
පැයයි විනාඩි 45ක ධාවන කාලයක් තියෙන මේ ෆිල්ම් එක ලොකු ලොකු ප්‍රශ්න ගැන හිතන්නේ නැතුව නිවාඩු පාඩුවේ හිනාවෙවී බලන්න කියාපු එකක්. සංචාරක වැඩසටහන් බලන්න ආස අයට වගේම Rom-Com රසිකයින්ටත් මේක අලුත්ම විදිහේ වෙනසක් අරගෙන එන බව විශ්වාසයෙන් කියන්න කැමතියි.
ප්‍රංශයේ වයින් සෑදෙන ප්‍රදේශ, ග්‍රීසියේ දූපත්, තුර්කියේ ඉස්තාන්බුල්, දකුණු අප්‍රිකාවේ සෆාරි කැලෑ සහ නෙදර්ලන්තයේ ඇම්ස්ටර්ඩෑම් වගේ සුන්දර ස්ථාන ගණනාවක දර්ශන මේ චිත්‍රපටයට ඇතුළත් කරලා තියෙනවා.
නැහැ, මේක Mockumentary එහෙමත් නැත්නම් වාර්තා වැඩසටහනක් විදිහට රූගත කරපු ස්ක්‍රිප්ට් එකක් තියෙන ආදර කතාවක් (Rom-Com). ඒ නිසා මේකේ තියෙන්නේ සම්පූර්ණයෙන්ම රංගනයක්.=