නියෝ කොචි වල පියෙක් වෙච්ච බිමල් තමන්ගේ නැති වුනු දුවව හොයාගන්න වර්චූවල් මතක සෙල්ලමක් කරනවා. මේ සෙල්ලමේදී නියෝ කොචි වල ප්‍රසිද්ධ මලයාලි නිලියක් වුනු ෆ්‍රීඩා සෝමන් කියන නිළියගේ අතීත කතාන්දරය සහ ඇයගේ සැගවුණු චරිතය ගැන එයා හෙලිදරව් කරනවා. මේක වෙන්නේ කොහොමද? කතාව ස්පොයිල් කරන්නේ නෑ.. බලන්න..
ක්‍රිෂාන්ඩ් නැත්නම් ක්‍රිෂාන්ඩ් R.K.. මේ නම නොනෑහුන කෙනෙක් ඉදියොත් ලෝක පුදුමයක්. මොකද මෙයාගේ වැඩ නම් ඉතින් ලෝක පුදුම වැඩ නොවැ කරන්නේ. උදාහරණයක් විදිහට Purusha Pretham, Aavasavyuham වගේ චිත්‍රපටි බලපු අයට නම් මෙයාගේ වැඩ කිඩ තේරුම් ගන්න පුළුවන්. මේ වෙද්දී Aavasavyuham චිත්‍රපටයේ උපසිරැසි බන්දුල අයියා දීලා තියෙන්නේ. සයිට් එකේ තියෙනවා, හොයලා බලන්නකෝ.
ඉතින් මේ අරන් එන්නේ මගේ උපසිරැසි කාලසිමාවේ වැඩිම කාලයක් ගත්තු උපසිරැසිය. ඉතින් අහන්නත් දෙයක් නෙවෙයි. මොකද අනිත් ඒවට සාපේක්ෂව මේකට කාලය සෑහෙන්න වැය කලේ වෙනස්ම ගනයේ ෆිල්ම් එකක් නිසාමද මන්දා. නමුත් ඔයිට වැඩිය ඉක්මනින් කරන්න ඉඩක් තිබ්බා, නමුත් කාලය හරස් වුණා හැමදේකටම. ඉතින් ‘සමාවෙන්න!’ පරක්කු වූවා නම්!
මලයාලම් සිනමාව එහෙම නැත්නම් මොලිවුඩ් වලින් එලියට පැනපු තවත්, ඒත් කාටවත් හසූ නොවුණු ෆිල්ම් එකක් තමයි මේක. ඇත්තෙන්ම ප්‍රථම වතාවට මේක ඇහුනු වෙලේ ඉදන් ටිසර් ට්‍රේලර් ඔක්කොම වගේ බැලුවත් මේ ලෝක දෙයක් තේරුනේ නෑ කියලා කිව්වොත්? ඇත්තටම ඔව්! කොහෙවත් යන එකෙක්, නිලියක්, ඒ දෙකම එකට සම්බන්ධ වෙලා ලස්සනට ඔලුව කුරුවල් වෙන විදිහේ ෆිල්ම් එකක් මොකක්ද කියලා ඇහුවොත් මෙන්න මේක තමයි උත්තරේ.
එහෙනම් යමු විස්තරේට.
Masthishka Maranam (මලයාලමෙන්: മസ്തിഷ്‌ക മരണം) නැත්නම් Masthishka Maranam – A Frankenbiting of Simon’s Memories කියන්නේ මේ අවුරුද්දේ පෙබරවාරි 27 වෙනිදා නිකුත් කරපු චිත්‍රපටයක්. මේක අධ්‍යක්ෂණය, රචනය, සංස්කරණය සහ සම-නිෂ්පාදනය කරන්නේ ක්‍රිෂාන්ඩ් මයි. නිෂ්පාදනය විනායකන් අජිත්. සංගීත අධ්‍යක්ෂණය Varkeyගෙන්.
රංගනයෙන් නිරංජ් මනියන්පිල්ලා රාජු, රජිෂා විජයාන් (මෙයා කලින් මං දීපු කාලම්කාවල් එකෙත් ඉන්නවා), විෂ්ණු අගස්තයා, ජගදිෂ්, දිව්‍යා ප්‍රභා, සුරේෂ් ක්‍රිෂ්ණා, සන්ටි බාලචන්ද්‍රන්, නන්ධු, රාහුල් රාජගෝපාල් වගේ අය රංගනයෙන් දායක වෙනවා.
මස්තිෂ්ක මරනම් චිත්‍රපටයේ නළු නිලියන්.
ආදායම සහ පිරිවැය ගැන කොහෙවත් සදහනක් නැතත්, මේ චිත්‍රපටයට ගොඩක් හොද ප්‍රතිචාර ලබාගෙන තියෙනවා.
මස්තිෂ්ක මරනම් චිත්‍රපටයට ලැබුණු ප්‍රතිචාර.
විශේෂයෙන් රජිෂා විජයාන්ට විශේෂ තැනක් ලැබිලා තියෙනවා. ඒකට හේතුව එයා මේ චිත්‍රපටය පුරාවටම කරන ඒ විශිෂ්ඨ රංගනය.
රජිෂා විජයාන් වෙනුවෙන් මස්තිෂ්ක මරනම් චිත්‍රපටයෙන් නිර්මානය වූ පෝස්ටර.
බැසිල් ජෝසප්, නිම්ෂා සජයාන්, ලෝකා චිත්‍රපටි අධ්‍යක්ෂක ඩොමිනික් අරුන් සහ දමිල නළු සිද්ධාර්ත් ද මේ චිත්‍රපටය සම්බන්ධයෙන් හොද ප්‍රතිචාර ලබාදීලා තිබුණා.
බැසිල් ජෝසප්, නිම්ෂා සජයාන්, ලෝකා චිත්‍රපටි අධ්‍යක්ෂක ඩොමිනික් අරුන් සහ දමිල නළු සිද්ධාර්ත් මස්තිෂ්ක මරනම් චිත්‍රපටයට ලබා දුන් ප්‍රතිචාර.
මේ චිත්‍රපටය වෙනුවෙන් IMDB දර්ශකය 6.8/10කුත්, ගුගල් පරිශීලක අගය 56% කුත් ලබා දීලා තියෙනවා. මේ චිත්‍රපටයේ OTT අයිතිය Netflix විසින් අයිති කර ගනිද්දී එහෙන් මාර්තු 27 වෙනිදා පිටපත් නිකුත් කළා.
මේක ඇත්තෙන්ම කැමරා කොපියකට සබ ගහලා අවසානයේදී සින්ක් කරපු එකක්. ඔයාලා කැමරා කොපිය බලපු කෙනෙක් නම් මේකේ තියෙන සමහර දෙබස් වෙනස් වෙන්න පුලුවන්.