ලක්ෂද්වීපයේ ජීවත් වෙන මුල්ලාට ඕනේ තමන්ව දාලා ගිය ලොකු අයියා අක්බර්ව කොහොමහරි හොයාගන්න. ඒ වෙනුවෙන් මුල්ලා තනිවම ඉන්දියාවේ මුම්බායි නගරයට එනවා. හැබැයි මුම්බායි හි කාමතිපුර කියන රතු වීදියේ අඳුරු පාතාලය ඇතුළේ අක්බර්ව හොයන එක ලේසි වැඩක් වෙන්නේ නැහැ. තමන්ගේ සහෝදරයාගේ අතීතය ගැන හෙළිවෙන කටුක රහස් එක්ක මුල්ලාට තමන්ගේ අයියාව ආයේ දකින්න ලැබේවිද කියන ප්‍රශ්නය මත කතාව ගලාගෙන යනවා.
Moothon කියන්නේ Nivin Pauly ගේ රංගන ජීවිතයේ හැරවුම් ලක්ෂ්‍යයක්. මුම්බායි පාතාලයට එකතු වෙන අක්බර්ගේ ජීවිතයේ තියෙන වේදනාව, ආදරය සහ රළු බව ඔහු හරිම තාත්විකව නිරූපණය කරනවා. Geethu Mohandas ගේ අධ්‍යක්ෂණයෙන් හැඩවුණු මේ මලයාලම් චිත්‍රපටයේ තිර රචනයට බොලිවුඩ් අධ්‍යක්ෂක Anurag Kashyap ද දායක වී තිබෙනවා.
මුම්බායි පරිසරයේ තාත්වික බව රඳවාගන්න මේ නිර්මාණයේ හින්දි දෙබස් විශාල වශයෙන් භාවිතා කර ඇති අතර, ලක්ෂද්වීපයේ සුන්දරත්වය සහ මුම්බායි වල අඳුරු පරිසරය අතර වෙනස කැමරාකරණය හරහා අපූරුවට මතු කර පෙන්වනවා.
Crime, Drama, Romance යන ශානරයන්ට අයිති වෙන මේ නිර්මාණය, සමාජයේ කොන්වීමට ලක්වන පුද්ගලයින්ගේ සැබෑ ජීවන අරගලය හරිම යථාර්ථවාදීව ප්‍රේක්ෂකයා වෙත අරන් එන වෙනස්ම විදියේ සිනමා අත්දැකීමක්.