පොලිස් රාජකාරියෙන් තාවකාලිකව වැඩ තහනම් වුණු නිලධාරීන් දෙන්නෙකුට මුහුණ දෙන්න වෙන අපූරු සිදුවීම් දාමයක් වටා තමයි මේ කතාව ගෙතිලා තියෙන්නේ. මර්ෆ් සහ ටේලර් කියන මේ දෙන්නට අහම්බෙන් පැවරෙනවා ලේසි (Lacey) කියන නව යොවුන් වියේ ගැහැණු ළමයෙක්ව කැනඩාවේ ඉන්න එයාගේ තාත්තා ළඟට පරිස්සමට ගිහින් බාරදෙන්න. හැබැයි චිකාගෝ නගරයේ ඉඳන් කැනඩාවේ වෑන්කුවර් වලට යන මේ ගමන හිතන තරම් ලේසි පහසු එකක් නම් නෙවෙයි. එක දිගට සිද්ධ වෙන වැරදි වැටහීම්, වාහන කැඩෙන ඒව වගේම ලේසිගේ උපහාසාත්මක කතා නිසා මේ තුන්දෙනාගේ ගමන එකම විහිළුවක් බවට පත් වෙන හැටි අපූරුවට නිරූපණය කරලා තියෙනවා.
කතාවේ ප්‍රධාන චරිත කරන Tom Malloy සහ Scott Baker කියන්නේ ගොඩක් කාලෙක ඉඳන් එකට වැඩ කරන දෙන්නෙක්. දොඩම් මල්ලක් සම්බන්ධයෙන් ඇතිවුණු පුංචි පැටලැවිල්ලක් අන්තර්ජාලයේ වයිරල් වීම නිසා තමයි මේ පොලිස් නිලධාරීන් දෙන්නට තාවකාලිකව වැඩ තහනම් වීමකට මුහුණ දෙන්න සිද්ධ වෙලා තියෙන්නේ. ඊටපස්සේ ඒ අයට දඬුවමක් විදියට ලැබෙන මේ කැනඩා ගමන සම්පූර්ණයෙන්ම අවුල් ජාලයක් බවට පත් වෙන විදිය ඒ අය රඟපාන්නේ හරිම ස්වභාවිකව.
නව යොවුන් වියේ ඉන්න ලේසි විදියට රඟපාන Marlhy Murphy ගේ රංගනයත් කතාවට ලොකු වර්ණයක් එකතු කරලා තියෙනවා. තමන්ගේ අකමැත්තෙන් තාත්තව හොයාගෙන යන මේ ගමනේදී ඇය නිතරම අර පොලිස් නිලධාරීන් දෙන්නට දෙන උත්තර හරිම විහිළු සහගතයි. අධ්‍යක්ෂක Mario Garciduenas මේ මුළු කතාවම හරිම ලස්සනට ගලාගෙන යන්න ඉඩ හැරලා තියෙනවා කියලා කතාව බලනකොටම ඔයාලටත් තේරෙයි.
කතාවේ හැටියට මේ දෙන්නගේ වැඩ තහනම් වෙන්නේ දොඩම් මල්ලක් (bag of oranges) සම්බන්ධයෙන් ඇතිවෙන පුංචි වැරදි වැටහීමක් වීඩියෝවක් හරහා අන්තර්ජාලයේ වයිරල් වීම නිසයි.
නව යොවුන් වියේ පසුවන කටකාර ලේසිගේ චරිතය නිරූපණය කරන්නේ Marlhy Murphy කියන යොවුන් නිළිය විසින්.