Past Life
🎬 ඔයාගේ දරුණුම හීනය මේ ආත්මේ දෙයක් නෙවෙයි, පෙර ආත්මෙක කරපු පාපොච්චාරණයක් වුණොත්? 🔪
Past Life | 2025 | English | Psychological Thriller / Horror |
ජේසන් ෆ්‍රේ කියන්නේ යුධ වාර්තාකරුවෙක්. ඔහු ඕනෑවටත් වඩා දරුණු දේවල් දැකලා තියෙනවා. මානසිකව වැටිලා ඉන්න ඔහුට, ඔහුගේ ගැබිනි බිරිඳ යෝජනා කරනවා එක දවසක් නිදහසේ ඉන්න කියලා. ඒ විදිහට ඔවුන් ජනප්‍රිය මෝහනවේදියෙක් වෙන තිමෝති බෙවන්ගේ Live TV වැඩසටහනකට යනවා. ජේසන් මේ පෙර ආත්ම ගැන කිසිම විශ්වාසයක් තියෙන කෙනෙක් නෙවෙයි. ඔහු හිතන්නේ මේවා බොරු කියලා. ඉතින් බෙවන් ස්වේච්ඡාවෙන් ඉදිරිපත් වෙන්න කෙනෙක්ට කතා කරාම, මේක බොරුවක් කියලා ඔප්පු කරන්නම ජේසන් වේදිකාවට යනවා. 😬
හැබැයි ඒක ලොකු වැරදීමක්. බෙවන් ඇඟිලි දික් කරලා මෝහනය කරපු ගමන් ජේසන් යන්නේ වෙනමම ලෝකෙකට. ඒක ලස්සන පෙර ආත්මයක් නෙවෙයි, 1980 ගණන්වල හිටපු දරුණු දාම ඝාතකයෙක්ගේ මනසක් ඇතුළට. ඒ ඝාතකයාගේ ඇස් දෙකෙන් ජේසන් දකිනවා ඔහු මිනිස්සුන්ව මරන්න පස්සෙන් යන විදිහ. හැබැයි මේක මෝහනය ඉවර වුණාම නතර වෙන්නේ නෑ. හැමදාම රෑට ජේසන්ව ආයෙත් අර ඝාතකයාගේ මතකයන්ට ඇදලා දානවා. ඒකෙන් විසඳපු නැති මිනීමැරුම් ගොඩක රහස් එළියට එනවා. ඒ වගේම බයහිතෙන ප්‍රශ්නයක් ජේසන්ගේ හිතට එනවා: මේ ඝාතකයා තාමත් තමන්ගේ ඇතුළේ ජීවත් වෙනවද?
True-crime අභිරහසක් වගේම අද්භූත බියකරු හීනයක් වෙන Past Life ෆිල්ම් එක ඔයාට ඇස් වහගන්න බැරි වෙන විදිහේ කුතුහලයක් ගේනවා අනිවාර්යයි. 🍿
IMDb දර්ශකයේ ඉහළ අගයක් අරගෙන තියෙන Past Life කියන්නේ අන්තිම වෙනකන්ම කුතුහලයෙන් බලන්න පුළුවන් ෆිල්ම් එකක් කියලා විචාරකයෝ කියනවා. Horror ගතියත් උපරිම තියෙනවා. ඔයා Dark, අමුතුම විදිහේ Thriller ෆිල්ම්ස් බලන්න ආස කෙනෙක් නම්, ඊළඟට බලන්න තියෙන්නේ මේක තමා. ⭐