අදත් පිළිගන්නවා බයිස්කෝප් වෙතට ඔයාලා හැමෝම. අදත් ඉතින් කොමඩි ඇක්ෂන් සිනමාපටයක් අරගෙන තමයි ආවේ.
සුපිරි තරු සහ බිලියනපතියන් එකතු වන අතිසුඛෝපභෝගී පරිසර හිතකාමී පුණ්‍යාධාර උත්සවයක් (Charity Gala) අතරතුර සිදුවන අනපේක්ෂිත හා උන්මාදජනක පැහැරගැනීමක් මුල් කරගනිමින් නිර්මාණය වූ නවතම Action-Comedy/Thriller සිනමාපටය තමයි Sacrifice. Athena වැනි ප්‍රසිද්ධ සිනමාපට අධ්‍යක්ෂණය කළ Romain Gavras ගේ අපූරු අධ්‍යක්ෂණයක් ලෙස එළිදැක්වුණු මෙම චිත්‍රපටය, උපහාසාත්මක (Satirical) අංග වලින් හා කුතුහලයෙන් පිරි වෙනස්ම අත්දැකීමක් ගෙන එනවා.
රංගන දායකත්වය:මෙහි ප්‍රධාන චරිතය වන මයික් ටයිලර් (Mike Tyler) නම් අර්බුදයකට මුහුණ දී සිටින සුපිරි හොලිවුඩ් නළුවා ලෙස Chris Evans පණ පොවන අතර, ලෝකය බේරාගැනීමේ අරමුණින් උත්සවය අල්ලා ගන්නා විප්ලවීය නායිකාව (Joan) ලෙස Anya Taylor-Joy රංගනයෙන් එක්වේ. ඊට අමතරව ලෝකයේ ධනවත්ම පුද්ගලයා ලෙස Vincent Cassel, ඔහුගේ බිරිය ලෙස සුපිරි නිළි Salma Hayek, මයික්ගේ ඒජන්තවරයා ලෙස Sam Richardson ඇතුළු තවත් නළු නිළියන් රැසක් මෙහි ප්‍රධාන චරිත නිරූපණය කරති.
කතාව:ග්‍රීසියේ පැවැත්වෙන අතිඋත්කර්ෂවත් පරිසර හිතකාමී පුණ්‍යාධාර උත්සවයකට ලෝකප්‍රකට A-list තරු සහ බිලියනපතියන් රැසක් එකතු වෙයි. මේ අතර තමන්ගේ ගැලවීම සහ කීර්තිය නංවා ගැනීමට උත්සාහ කරන ජනප්‍රිය නළුවෙකු වන මයික් ටයිලර් (Chris Evans) ද සිටියි.නමුත් කිසිවෙක් නොසිතූ මොහොතක, ජෝන් (Anya Taylor-Joy) නම් දැඩි ප්‍රතිපත්ති මත පිහිටි විප්ලවීය කාන්තාවකගේ නායකත්වයෙන් යුතු අන්තවාදී කණ්ඩායමක් මෙම උත්සවය ආක්‍රමණය කර එය තමන්ගේ ග්‍රහණයට ගනියි. පුරාණ අනාවැකියකට අනුව, පෘථිවිය විනාශයෙන් බේරා ගැනීම සඳහා මෙම උත්සවයට පැමිණ සිටින ප්‍රධාන පුද්ගලයන් තිදෙනෙකු අභිරහස් ගිනි කන්දක් වෙත ගෙන ගොස් පූජා කළ යුතු යැයි ඔවුන් පවසයි…
එහෙනම් චිත්‍රපටය රසවිඳින්නකෝ. අදාළ වීඩියෝ පිටපත් baiscopewatch.com එකෙන් ඩවුන්ලෝඩ් කරගන්න හෝ ඔන්ලයින් නරඹන්න පුළුවන් කියලත් මතක් කරනවා. තවත් උපසිරැසියකින් ඉක්මනින් හමුවෙමු.