ඔයාලා හැමෝටම ආසාවෙන් බලනපුළුවන් වෙනස්ම විදියේ කොරියානු සිනමා අත්දැකීමක් තමයි අද අරගෙන ආවේ. ‘Parasite’ (2019) චිත්‍රපටයෙන් ලෝකයම හොල්ලපු දක්ෂ නළු ලී සුන්-ක්‍යුන් (Lee Sun-kyun) ගේ අවසාන සිනමා නිර්මාණ කිහිපය අතරින් එකක් වන “Sleep” (잠 – Jam) චිත්‍රපටයේ සිංහල උපසිරසිය අද ඉඳන් බයිස්කෝප් වෙබ් අඩවියෙන් ඔයාලට ගන්න පුළුවන්.
සාමාන්‍යයෙන් දකින ‘Jump Scares’ (හිටිහැටියේ බය කරන) දර්ශන වෙනුවට, මොළයට දැඩි පීඩනයක් දෙන මනෝවිද්‍යාත්මක කුතුහලයක් (Psychiatric Thriller) හොයන රසිකයන්ට මේක සුපිරිම චිත්‍රපටියක්!
චිත්‍රපටයේ පසුබිම් තොරතුරු (Movie Info)
අධ්‍යක්ෂණය: ජේසන් යූ (Jason Yu) – (ඔහු ප්‍රසිද්ධ අධ්‍යක්ෂ බොං ජූන්-හෝගේ සහය අධ්‍යක්ෂවරයෙක් ලෙස වැඩ කළ අයෙක්)
ප්‍රධාන නළු නිළියන්: ලී සුන්-ක්‍යුන් (Lee Sun-kyun) සහ ජුන්ග් යු-මි (Jung Yu-mi)
ධාවන කාලය: විනාඩි 94යි
කාණ්ඩය: Horror / Mystery / Thriller
නිල සම්මාන සහ ඇගයීම්: 2023 කෑන්ස් සිනමා උළෙලේ (Cannes Film Festival) විචාරක සතිය යටතේ ප්‍රදර්ශනය වීමට තේරී පත් වූ අතර, දකුණු කොරියාවේ බොක්ස් ඔෆිස් වාර්තා තබමින් ඉහළම ආදායම් ලැබූ චිත්‍රපටයක් බවට පත් විය.
කථා සාරාංශය: කතාව ගෙතෙන්නේ ඉතාම ආදරයෙන් සහ සතුටින් ජීවත් වන අලුත විවාහ වුණු යුවළක් වටායි. සැමියා බෙක් හ්යුන්-සු වෘත්තියෙන් සුළු චරිත රඟපාන නළුවෙක්. බිරිඳ ඕ සූ-ජින් ගැබ්ගෙන සිටින අතරතුර, ඔවුන්ගේ සන්තෝෂවත් ජීවිතය උඩුයටිකුරු වෙන්න පටන් ගන්නේ හ්යුන්-සුට රාත්‍රියේදී ඇතිවන අමුතු නින්දෙන් ඇවිදීමේ රෝගයක් නිසයි.
චිත්‍රපටය ආරම්භයේදීම නින්දෙන් ගැස්සී අවදි වන හ්යුන්-සු, සාලය දෙස බලාගෙන කවුරු හරි ඇතුලේ ඉන්නවා කියා පවසන බියකරු වැකියත් සමඟ මුළු කතාවේම භීතිය ආරම්භ වෙනවා. ඔවුන්ගේ සාලයේ බිත්තියේ “ටුගෙදර් වී කැන් ඕවර්කම් එනිතින්” (Together we can overcome anything – එක්ව සිටියොත් අපට ඕනෑම දෙයක් ජය ගත හැකියි) කියා ගසා ඇති ලෑලි පුවරුව පාඨයක් පමණක්ම කරමින් හ්යුන්-සුගේ රෝගය දරුණු වෙනවා.
මුලින්ම නින්දෙන් ඇවිදීම සහ අමුතු වචන කීම වැනි සරල දේවල් වලින් පටන් ගන්නා මේ තත්ත්වය, පසුව රාත්‍රී කාලයේදී අමු මස් සහ බිත්තර කටු පිටින් හැපීම වැනි ඉතාම දරුණු සහ බියකරු හැසිරීම් දක්වා වර්ධනය වෙනවා. ඔවුන් ආදරයෙන් ඇති දැඩි කරන “ගොං-ජී” කියන සුරතල් බල්ලාට පවා මේ නිසා අවාසනාවන්ත ඉරණමකට මුහුණ දෙන්න සිද්ධ වෙනවා.
පසුව ඔවුන්ට “හා-යුන්” නමින් අලුත උපන් දියණියක් ලැබෙනවා. තමන්ගේ අලුත උපන් බිළිඳාට සැමියාගෙන් අනතුරක් වෙයිද කියා බියෙන්, බිරිඳ වන සූ-ජින්ට රාත්‍රී කාලයේදී දැඩි “ඉන්සොම්නියා” (Insomnia – නිදි නොමැතිකම) රෝගී තත්ත්වයක් ඇතිවෙනවා. ඇය දරුවාව ආරක්ෂා කරගන්න රෑ තිස්සේ නිදි මරමින් දැඩි මානසික පීඩනයකට ලක්වෙනවා.
හ්යුන්-සුගේ රෝගය සුව කරන්න ඔවුන් මුලින්ම යන්නේ “ස්ලීප් ක්ලිනික්” වෙතයි. එහිදී වෛද්‍යවරුන් පවසන්නේ මෙය “රෙම් ස්ලීප් බිහේවියර් ඩිසෝඩර්” (REM Sleep Behavior Disorder – රෙම් නිද්‍රා චර්යා ආබාධය) නමැති වෛද්‍ය විද්‍යාත්මක රෝගයක් කියායි.
නමුත් රෝහල් ප්‍රතිකාර වලින් මෙය සුව නොවන විට, සූ-ජින්ගේ මවගේ මාර්ගයෙන් ඔවුන් සාම්ප්‍රදායික කොරියානු ඇදහිලි ක්‍රමයක් වන “ෂාමනිසම්” (Shamanism) පසුපස යනවා. එහිදී පැමිණෙන ” ෂාමන්” පවසන්නේ හ්යුන්-සු කරන්නේ නින්දෙන් ඇවිදීමක් නොව, ඔවුන්ගේ නිවසට පහළ මහලේ පදිංචි වී සිටි අසල්වැසියා වන “මියොන්ග්-බේ” ගේ මියගිය පියාගේ ආත්මය හ්යුන්-සුගේ ශරීරයට වැහීඔහුව පාලනය කරන බවයි!
අවසානයේදී වෛද්‍ය විද්‍යාව සහ භූත විද්‍යාව අතර සිරවී, දරුණු ලෙස මානසිකව ඇද වැටෙන බිරිඳ සූ-ජින්ව මානසික රෝහලක් වෙත පවා ඇතුළත් කිරීමට සිදුවෙනවා.
කොරියානු සිනමා ලෝලියෙක් විදිහට මඟනෑරිය යුතුම සුපිරි කොරියානු සිනමා සිත්තමක් වන මෙම චිත්‍රපටය සිංහල උපසිරසි සමඟින් රසවිඳින්න රසවිදින්න කියලා ආරාධනා කරනවා.
තවත් මේ වගේම සිනමා නිර්මාණයකින් හමුවෙනකන් හැමෝටම සුභ දවසක්…