“ස්පයිඩර්-මෑන්: බ්‍රෑන්ඩ් නිව් ඩේ” පටන්ගන්නේ “නෝ-වේ හෝම්” අන්තිමේදී ඩොක්ටර් ස්ට්‍රේන්ජ්ගේ මායාවෙන් මුළු ලෝකයම “පීටර් පාකර්”ව අමතක කරලා දාපු අවස්ථාවෙන් අවුරුදු කිහිපයකට පස්සේ.
දැන් පීටර්, තමන්ව කවුරුත් දන්නැති ලෝකයක තනියම “ස්පයිඩර්-මෑන්” විදියට නිව් යෝර්ක් නගරය ආරක්ෂා කරනවා. එම්.ජේ සහ නෙඩ් ඇතුළු තමන්ගේ ආදරණීයයන් හැමෝම එයාව අමතක කරලා තියෙනවා වගේම, පීටර්ගේ ජීවිතය තනිකම, වියෝව සහ අහිමිවීම් වලින් පිරිලා යනවා.
එම අතරතුර අද්භූත “මනස් කියවීමේ/ ටෙලිපතී” බලයක් තියෙන “ජීන් ග්‍රේ” කියන තරුණියක් සහ හානි පාලන දෙපාර්තමේන්තුව (ඩැමේජ් කන්ට්‍රෝල් ඩිපාට්මන්ට්) සම්බන්ධ අභිරහස් සිදුවීම් කිහිපයක් හේතුවෙන් පීටර්ගේ ජීවිතය ආයෙත් අවුල් වෙනවා. මේ අතර පීටර්ගේ ශරීරයේද අළුත් වෙනස්කම් ඇතිවෙලා, එයාගේ ස්පයිඩර්-මෑන් හැකියාවන් භයානක විදියට පරිණාමය වෙන්න පටන් ගන්නවා.
අවසානයේදි පීටර්ට නගරය බේරා ගන්න විතරක් නෙමෙයි, තමන්ගේ වේදනාව, තනිකම සහ අතීතයත් එක්ක මුහුණ දෙන්න වෙනවා වගේම, ස්පයිඩර්-මෑන් විදියට අලුත් ජීවිතයක් පටන්ගන්න එයාට පුළුවන් වෙයිද කියන එක, කතාවේ ප්‍රධාන තේමාව.
විශේෂත්වය
ඉස්සර ආපු ස්පයිඩර්-මෑන් ෆිල්ම්වලට වැඩිය “බ්‍රෑන්ඩ් නිව් ඩේ” වැඩි අවධානයක් යොමු කරන්නේ පීටර් පාකර්ගේ මානසික තත්ත්වය, තනිකම සහ ස්වයං-සොයාගැනීම ගැනයි.
ටොම් හොලන්ඩ් තම වෘත්තීය ජීවිතයේ හොඳම රංගනයක් ඉදිරිපත් කරන අතර, සෙන්දයා එක්ක තියෙන සංවේදී දර්ශන සහ ජොන් බර්න්තාල්ගේ “පනිෂර්” චරිතය කතාවට වෙනස් රසයක් එක් කරනවා.
මයිකල් ජියාචිනෝගේ සංගීතය, අඳුරු වාතාවරණය සහ මාර්වල් සිනමා විශ්වය තුළ ගොඩක් පර්ශනල් ස්පයිඩර්-මෑන් කතාවක් විදියට මේ ෆිල්ම් එක කැපී පේනවා.
ප්‍රතිචාර
“ස්පයිඩර්-මෑන්: බ්‍රෑන්ඩ් නිව් ඩේ” විචාරකයන්ගෙන් සහ ප්‍රේක්ෂකයන්ගෙන් බොහෝ දුරට ධනාත්මක ප්‍රතිචාර ගත්තා වගේම, බොහෝ දෙනා මේක “ටොම් හොලන්ඩ්ගේ හොඳම ස්පයිඩර්-මෑන් ෆිල්ම් එක” විදියට හැඳින්වූවා.
විශේෂයෙන් ටොම් හොලන්ඩ්ගේ රංගනය, චිත්‍රපටයේ හැඟීම්බර තේමාව, ඇක්ෂන් දර්ශන සහ පීටර් පාකර්ගේ චරිත සංවර්ධනය ප්‍රශංසාවට ලක් වුණා. ‍රොටන් ටොමෑටෝ වෙබ් අඩවියේ ඉහළ ප්‍රතිචාර සහ සිනමා ලකුණු වල “ඒ” ශ්‍රේණිගත කරන එකත් ඒකට සාක්ෂියක්.
අවසානයේ, ස්පයිඩර්-මෑන්: බ්‍රෑන්ඩ් නිව් ඩේ කියන්නේ විශාල ඇක්ෂන් දර්ශන වලට වැඩිය පීටර් පාකර්ගේ හදවත, වේදනාව සහ නැවත නැගීසිටීම ගැන කියන, මාර්වල් සිනමා විශ්වය තුළ ගොඩක් හැඟීම්බර සහ පරිණත ස්පයිඩර්-මෑන් ෆිල්ම්වලින් එකක් විදියට සලකන්න පුළුවන් අතිශය සාර්ථක සුපර්-හීරෝ ෆිල්ම් එකක්.