ඔන්න අද මම අරගෙන ආවේ 2026 දී නිකුත් වුණු අලුත්ම අලුත් Action, Historical වගේම War ගණයට අයත් වෙන චිත්‍රපටයකට උපසිරැසියක්. මේක තමයි The Uprising (2026).
Paul Greengrass අධ්‍යක්ෂණය කරපු මේ චිත්‍රපටියේ ප්‍රධාන චරිතයට රංගනයෙන් දායක වෙන්නේ කවුරුත් ආදරය කරන Andrew Garfield. කතාව ගැන කෙටියෙන් කිව්වොත්, මේක පදනම් වෙලා තියෙන්නේ 1381 දී එංගලන්තයේ ඇත්තටම සිද්ධවුණු ගොවි කැරැල්ලක් (Peasants’ Revolt) වටා. මහා වසංගතයකින් පස්සේ දරිද්‍රතාවයෙන් වගේම බඩගින්නෙන් පෙළෙන අහිංසක මිනිස්සුන්ගෙන් රජය අසාධාරණ විදිහට විශාල බදු අය කරන්න ගන්නවා. මේකට විරුද්ධව ඒ කාලේ හිටපු අවුරුදු 14ක රිචඩ් රජුට එරෙහිව ගොවියෙක් විදිහට ඉන්න Andrew Garfield කොහොමද සාමාන්‍ය මිනිස්සුන්ව එකතු කරගෙන සටන් කරන්නේ කියන එක තමයි කතාවෙන් කියවෙන්නේ. මේ සටන තමයි පස්සේ කාලෙක අපි කවුරුත් දන්න ‘රොබින් හුඩ්’ ගේ කතාවටත් මුල් වෙලා තියෙන්නේ. කිසිම කම්මැලිකමක් නැතුව, අසාධාරණයට එරෙහිව කරන සටනක් බලන්න ආස අයට මේක නියම ෆිල්ම් එකක් වේවි.