ඔන්න ඊයේ නිකුත් උන අළුත්ම චිත්‍රපටියක උපසිරැසියක් අද ගෙන එනවා. මේකත් පොලිස් කතාවක්. දකුණු ඉන්දියාවෙ පොලිසිය නැතුව චිත්‍රපටියක් ගහන්නෙම නැති තරම්. විශේෂයෙන්ම පොලිසිය ඇතුලෙ පොලිස් නිලධාරීන් ප්‍රධාන චරිත කරන චිත්‍රපට ඉතා විශාලයි. මේව කොච්චර බැලුවද කියන්නෙ දැන් කේරළ පොලිසිය අපිට ගෙදර වගේ. මේකෙ ප්‍රධාන නළුවා රොශාන් මැතිව් පෝස්ටරේ පොලිස් කිට් එකෙන් ඉන්න කොට බලන්නම හිතෙනවා. මොකද එයා ඉන්නව කියන්නෙ ඒක සුපිරියක් වෙන්න ඕනෙ. කොහොම උනත් ඒක බලන ඔයා තීරණය කරන්න.
කතාව වෙන්නෙ පරිවාස කාලයක ඉන්න ආධුනික පොලිස් නිලධාරියෙකුට පාළු ළිඳකට වැටුණ මිනියක් ගැන විමර්ශනයක් කරන්න වෙනවා. දිවි නසා ගැනීමක්ද? මිනී මැරුමක්ද? ඊටත් වඩා මේ කාන්තාව කවුද? මේ සේරම එයාට තියෙන අභියෝග. ඉතින් එයා පළපුරුදු නිලධාරියෙක්ගෙ සහයෙන් ඕක විසඳන්න කරන උත්සාහය තමයි මේ කතාවෙ තියෙන්නෙ.
රොශාන් එක්ක බයිජු සංතෝශ්, ඍති මෙනන්, විනීත් තට්ටිල් ඩේවිඩ් වැනි අය රඟපානවා. එම් පද්මකුමාර්ගෙ අධ්‍යක්ශණයක්. එහෙනම් බලන්න.