Yellowstone (2018) කියන්නේ ඇමරිකාවේ Paramount Network එකෙන් ආපු, මුළු ලෝකයම වගේ පිස්සු වට්ටපු පට්ටම Neo-Western ඩ්‍රාමා සීරීස් එකක්. මේක නිර්මාණය කළේ ටේලර් ෂෙරිඩන් (Taylor Sheridan) කියන ප්‍රසිද්ධ අධ්‍යක්ෂවරයා.

මේ කතාව ගෙතෙන්නේ ඇමරිකාවේ මොන්ටානා ප්‍රාන්තයේ තියෙන විශාලතම පෞද්ගලික ගොවිපළ (Ranch) හිමි ඩට්න් (Dutton) පවුල වටා. ජෝන් ඩට්න් (John Dutton) කියන පවුලේ ප්‍රධානියා තමන්ගේ පරම්පරාවෙන් ආපු මේ විශාල ඉඩම ආරක්ෂා කරගන්න කරන සටන තමයි කතාවේ ප්‍රධාන මාතෘකාව. මොකද මේ ඉඩම අල්ලගන්න ලොකු බිස්නස්කාරයෝ, ඉඩම් සංවර්ධකයෝ, ජාතික උද්‍යාන බලධාරීන් සහ දේශීය ඇමරිකානු ගෝත්‍රිකයන් (Native Americans) හැමෝම එක එක පැත්තෙන් ලොකු උත්සාහයක් දෙනවා.

ඩට්න් පවුලේ ළමයි වෙන බෙත් (Beth), කේසි (Kayce), සහ ජේමී (Jamie) කියන අයත් මේ ඉඩම වෙනුවෙන් පවුල ඇතුළෙම එකිනෙකා එක්ක වගේම එළියේ ඉන්න හතුරෝ එක්කත් ලොකු සටනක් කරනවා. පවුලේ රහස්, දේශපාලන සූදු, මිනීමැරුම් සහ බලය තමන් සන්තකයේ තියාගන්න කරන දේවල් නිසා කතාව පුරාම ලොකු කුතුහලයක් සහ උද්වේගකර බවක් තියෙනවා.

ලෝකප්‍රකට නළු කෙවින් කොස්ට්නර් (Kevin Costner) මෙහි ජෝන් ඩට්න්ගේ චරිතයට විශිෂ්ට රංගනයක් එකතු කරනවා. ඊට අමතරව කෙලී රයිලි, වෙස් බෙන්ට්ලි සහ ලූක් ග්‍රීම්ස් වැනි පිරිසක් රංගනයෙන් දායක වෙනවා.

ඔයා කව්බෝයි (Cowboy) සංස්කෘතියට, පවුල් අතර වෙන බල අරගලවලට සහ අභිරහස් පිරුණු කතාවලට ආස කෙනෙක් නම්, කිසිම කම්මැැලිකමක් නැතුව එක දිගට බලන්න පුළුවන් සුපිරිම කතාවක් තමයි මේක. ඒ නිසා වෙලාවක් තියෙන වෙලාවක “Yellowstone” සීරීස් එකත් අනිවාර්යයෙන්ම බලන්න කියලා මම ඔයාට ආදරයෙන් ආරාධනා කරනවා!

Season 01 සඳහා සිංහල උපසිරැසි ගැන්වීම CinSubz.lk උපසිරැසි අංශයේ ධනංජ​ය විසින්.