We Are All Trying Here කතාව කියන්නේ අපේ සාමාන්‍ය ජීවිතේ අපිට මුණගැහෙන මිනිස්සුන්ගේ ඇත්තම ස්වරූපය පෙන්වන හරිම ලස්සන නිර්මාණයක්. මේකේ ප්‍රධාන චරිතය වෙන්නේ හ්වං දොං-මාන්. ඔහු අවුරුදු විස්සක් තිස්සේ චිත්‍රපට අධ්‍යක්ෂවරයෙක් වෙන්න උත්සාහ කරනවා වුණත් තවමත් ඔහුට ඒ අවස්ථාව ලැබිලා නැහැ. තමන් එක්ක එකට ඉගෙන ගත්තු හැමෝම අද වෙනකොට ලොකු තැන්වල ඉන්නකොට ඔහුට දැනෙන ඒ අසරණකම සහ තනිකම මේ කතාවෙන් හරිම තාත්වික විදිහට පෙන්වනවා.

ඔහුගේ ජීවිතයට බියොන් ඉයුන්-ආ කියන නිෂ්පාදකවරිය මුණගැහුණම මේ දෙන්නා අතර ඇතිවෙන බැඳීම හරහා කතාව ඉදිරියට ගලාගෙන යනවා. මේකේ කිසිම කෙනෙක් සුපිරි වීරයෝ නෙවෙයි, හැමෝම තමන්ගේ ජීවිතේ මොකක් හරි අඩුපාඩුවක් පුරවාගන්න ලොකු සටනක් දෙන සාමාන්‍ය මිනිස්සු. කතාව බලනකොට අපිට දැනෙන්නේ මේකේ ඉන්න චරිත අපේම යාළුවෝ එහෙම නැත්නම් අපේම ජීවිතේ කොටසක් වගේ.

ඔයා ජීවිතේ ගැන සංවේදීව කතා කරන, හිතට දැනෙන කතා බලන්න කැමති කෙනෙක් නම් මේක අනිවාර්යයෙන්ම බලන්න ඕනේ එකක්. මේකේ තියන විශේෂත්වය තමයි අසාර්ථකත්වය කියන්නේ ජීවිතේ අවසානය නෙවෙයි කියන එක හරිම ලස්සනට අපිට කියලා දෙන එක. බලලා ඉවර වුණාම හිතට ලොකු නිදහසක් දැනෙන ජාතියේ කතාවක් මේක.

Season 01 සඳහා සිංහල උපසිරැසි ගැන්වීම CinSubz.lk උපසිරැසි අංශයේ නිමාෂා රත්නාය​ක විසින්.